Erle Beltzaren Egunak arrakasta pollita À¢'€'" Zer aro ederra, igandean! Mendiko aroa, segur. Halere jendea etorri da nonbrean trinketerat, Erle Beltzaren Egunak eskaintzen zituen animazioetarat. Trinket barnea erakusmahainez betea zen, nork bere mozkina presentatzen zuela, ezti, gasna, gaztain irina eta beste. Merkatua arrakastatsua izan da. Bertzalde, ezti xapelketa antolatua zuen Erle Beltza elkarteak. Goizean banatu dira sariak. Bi ezti mota ziren jujatuak, akaziakilakoa eta gaztainakilakoa. Ezti biziki onak zirela lehian erran dauku Erle Beltza elkarteko Frédéric Forsans lehendakariak. Bi sariak Itsasurat joan dira. Akaziazko ezti hoberenaren xapela eraman du Patrick Vaïsse erlezainak eta gaztainazko ezti hoberenarena Christophe Etcheverriak. Eguer ditan, ikastolak prestatutako bazkarirat ere jendea saldoan etorri da. Ondotik, arratsalde hastapenean, mintzaldi biziki interesgarria iragan da "gaztaina eta erlea" gaiaren inguruan. Jean-Michel Anchordoqui "Gaztaina" elkarteko lehendakariak, bost herriren artean (Lekorne, Makea, Luhuso, Heleta eta Bidarrai) 2018ko azaroan sortutako elkartearen helburuak eta lana aurkeztu ditu xeheki. Georges Cassoudesale biarnesa mintzatu zaigu gaztainaren produkzioneaz eta erlezaingoaz Biarnoan, aipatuz bereziki gaztainondoek jasan eritasunak eta nola borrokatu aterabideak aurkitzeko. Eta Gabriel Durruty, Euskal Herriko gaztainondoez eta gaztaina mota desberdinez. Entzulegoak atsegin handiz segitu dituen hitzaldiak, antolatzaileak ere pozik zaudela eguna bururatzean.