CCAS edo Herriko laguntza sozialen zentroak eta Eliza Hegi xahar etxeak antolatzen dute lankidetzan biltzarre bat urriaren 17an ostegunez (14:30-15:30) Lapurdi gelan. Tailer asko eta ezberdinak aurkeztuak izanen dira: elikatzea eta dietetika, oroimena, loa eta ongi izaitea, lasaitze eta gimnastika, herritartasuna eta gizarte lotura, nork bere baitako konfiantza, bizitegiaren antolaketa eta belaunaldien arteko transmisioa. Biltzarraren ondotik interesatuek izenak emaiten ahalko dituzte tokian berean eta ondotik ere Aurore andereari telefono huntara: 05 59 93 38 91. Kopuru handian etor zaitezte. Tailer berri Elkarteetako bolondresen laguntzeko duen egitarauan Herriko Etxeak proposatzen du formakuntza tailer bat defibriladore tresnaren erabiltzen ikasteko. Ondoko eraikuntza hauek baliatzen dituzten elkarteetako arduraduneri idekia da: Erdiko Etxea, Etxeparea, Kiroleta, Bilgune eta Errobi zelaia. Tokiak mugatuak izanez elkarteeri galdegina zaiote parte hartuko dutenen izenak emaitea, telefono zenbakiekin eta helbide elektronikoarekin. Formakuntza hori larunbat goiz batez izanen da, azaroaren 9 edo16ko goiz partean, oren pare batez. Bi egunak atxiki eta izenak eman berantenaz urriaren 17ko. Aste urdina CCAS edo herriko laguntza sozialen zentroak antolatu aste urdina iragan da girorik hoberenean, nahiz aurten jende adinetako gutiagok parte hartu duten (adina edo lotsadura nork daki?) Bizkitartean egitarauko ekitaldi guziak: gimnastika, dantza, kantaldi, dute-dantzaldi, ibilaldi eta abar... iragan dira beren tenoretan. Eskertzekoa da zentroarekin batean San Josep lizeoko gazteen parte hartze handia eta alaitsua. Egia da gazte horientzat parte hartze hori ''jendeari laguntza'' formakuntzako egitarauan dela. Eskerrak berriz antolatzaile eta laguntzaile guzieri eta urrengo urte arte. Herri uzta Aurtengo Herri Uzta festibalak ere baderama bere saila egitarau propio batekin. Urriaren 5ean hasi zen Lapurtarrak abesbatzaren 30 urteko kontzertuarekin. Festibalaren estreinaldia egin da joan den ortzegunean Latsan, publiko eder batekin eta hautetsiekin. Philippe Lesgourgues lehendakari, Pierre Haira diruzain eta Bruno Carrère auzapezaren mintzaldiak izan dira, bai aurtengo egitarauaz bainan ere datorren urteko egitasmoaz, dirudienez oso betea agertzen baita. Gerokoak geroko. Estreinaldia bukatu da ''Abesti'' kantari laukote batek alaiturik, ez baitute segur talendurik falta. Festibala segitu da larunbatean Uztaritzen, Tolosatik etorri ordezkaritza nasai batekin, ospatzen baitira aurten Uztaritze-Tolosa senidetzaren 30 urteak. Mintzaldi, desfile, mutxiko eta dantza ikusgarriek bete dute eguna. Igandean Arrangoitzen segituko da Mutxikoen egunarekin. Bigarren antzerki ''Herriko bozak'' Piarres Larzabal zenaren antzerki emanaldia izanen da Uztaritzen urriaren 27an igandez (17:30) Arruntzako Erdiko etxean (pilota plaza ondoan) Iguzki Lore taldeak emanik, Maika Etchecopar izanen delarik taula zuzendari. Sartzea 10 eurotan finkatua da. Ongi etorrri deneri oraidanik.