Ospitalean "Artea eta Sorginkeria" Animazio desberdinak antolatu ditu Osptitalea zentroak, urriaren 19an, larunbat arratsaldez (16:00-20:00), heldu eta haurrentzat, bakoitzak bere agusagailua aurkituko du. Erakusketa gidatua bi tenore desberdinetan (16:00 eta 17:00) bai eta Ospitaleko harreran pista jokoak izanen dira familian edo bakarrik jostatzeko. Ipuin kondaketa (16:00), "Sorginkeria zer da?", Prunelle Giordanoren eskutik. Henri AMESTOY Art'Zain jatetxeko sukaldariak atelier bat proposatzen du "Sorginaren sukaldea" deitzen dena (17:00). Claude Labat erakusketa egilea laguntzeko hor izanen du, misterioa... hor izanen direnek deskubrituko dutena. Maddalen Arzallus eta Ortzi Idoatek bertsuen bidez komentatuko dute erakusketa (18:00). Pierre de Lancreren testuetarik abiatuz, Claude Labat-ek irakurriko dituenak, Marko marrazkilariak eta Fanny Marmayou dantzariak inprobisazioak eginen dituzte (19:00). Afari berezia (20:00) sorgin, deabru... izanen da mugimendu. Arratsaldean "sorginaren janaria" tailerratik prestatu janariaren dastatzeko parada izanen baita. Animazio guziak kitorik izanen dira, hobe aldiz tokiak atxikitzea: 05 59 37 97 37 edo ospitalea@ le64.fr Konferentzia Ignacio Cloppet Urriaren 25ean, ortziralez (19:30), Irisarriko Ospitalean, Ignacio CLOPPET, Argentinako historialaria eta abokatuak mintzaldi bat emanen du. Idazle horrek, jadanik hiru liburu idatzi ditu PERON bikoteari buruz, erroak Euskal Herriarekin dituzte. Egun hortan emanen duen mintzaldian, aipatuko du bereziki PERON bikotearen aholkularia izan zen Fray Pedro ERRECART. Fraile hori 1950 urtean etorri zen Irisarri eta Heletara, hemengo bere askazien ikustera. Idazlari famatu horren etortzea Iparraldera, ez da beraz huts egitekoa.