Usoa ospatzen Uso besta igande honetan, urriaren 20an ospatuko da egun osoan, (09:30-18:00). (10:00) Meza nagusia. (10:30) Catherine Marchand kazetari-autoreak 2018an argitaratu liburua, "Sublimes produits ", izenpetuko du. (11:00) Uso sukaldatze lehiaketa hasiko da, nornahik parte har lezake, usoa kozinatua, egina prest ekartzea aski da (xehetasun gehiago: 05.59.29.93.99 telefonora deituz). Sariak (11:30) banatuko dira. (12:00) Plazan usoak benedikatu eta, laxatuko dituzte. Ondo tik Xiberoko Zohardia taldeak euskal kantak emanen ditu. (13:00) Elkartetxean uso jatea (25€ pertsonaka) Hats Berri taldeak alaiturik. Menuan eltzekaria, usoa saltsan, dauphinois gratinatua, gasna, sagar tarta, kafea eta arnoa. Ainhoako ostatu hauetan ere uso menua eskainiko dute: Argi Eder, Ithurria, Oppoca eta Ur Hegian. Aitzinetik erreserbatzea hobe. (14:30-15:30) Capoeira eta batukada erakustaldia. (15:30-17:30) Sukaldatze tailerra usoaren inguruan Christophe Leborgnerekin (Urdin Irratiko sukaldaritza aholkularia). (18:00) Pierre Oteizaren xingar azpia zozketan. Bertzalde, goizetik karrika animazioz beteko da: ekoizleen merkatua, usoa harriz edo egurrez nola zizelkatu Brigitte eta Ibanekin (haurrentzat), berin gaineko grabadura eta piper soken fabrikazioaren erakusketa, kalexa ibilaldiak, lehengo egurrezko jokoak, eta Xitoentzat buraso elkarteak taloa eta edari gunea atxikiko du. Eguna Koxegi taldeak eta Ezpeletako Txarangak alaiturik. Dolu À¢'€'" Gan den hilabetean, irailaren 14an, zendu zen Yonionbordako Marie Añorga, sortzez Bertizberea, 87 urtetan. Dolumin beroenak familia guziari.