Mediatekan Urriaren 23an (14:00-17:00), Omiasainduko oporretan beraz, joko arratsalde bat izanen da, 6 urtez goiti duten haurrentzat. "Joko bat edo deus" deitu elkarteak du hori kudeatzen, elgarren arteko jokoak deskubritzeko eta goxatzeko. Orga zaldien biltzea Urtero zoin gehiagoka berezi hori iragaiten da Hazparnen. Aurten urriaren 19an da (9:00). Goiz guzian Ardannais, Bretoin eta Comtois arrazako behokak leihatuko dira sail desberdinetan. Jabeak eguerditan Hordago ostatuan bazkaldu eta, beste lehia batzuk iraganen dira eta azkenik sari guziak emanen dira. Ikusi nahi duen orori idekia eta urririk. Erakusketa Lorentxa Beyrie Kanbon sortua da 1975eko maiatzaren 10ean. Bere biziak bihurgune handi bat hartzen du, 2011ko martxoan arrastatua eta presondegiratua delarik. Bere ibilbide artistikoa presondegian abiatuko du. Bere obrak sentikortasunez, irudimenez eta mugimenduz beteak dira. Kolorearen poeta da. Antton Pochelu Hazpandarra, zizelkaria da: zura eta hezurra erabiltzen ditu gehienbat. Honela definitzen du bere burua: "Autodidakta naiz eta horregatik edo horri esker badu aspaldi erabaki nuela bakarrik buruan dudana eta senditzen dudana egitea. Artea askatasuna da!". Ondoko egunetan, haien obrak ikusgai izanen dira Choribit gelan, afixan ikus daitezkeen egun eta orduetan. Itzuli mitzuliak aski! Hilabete huntan Txistor Haramboure, Lorentxa Beyrie eta Fernandez Iradiren baldintzapeko askatzeei buruzko erabakiak emanen dira (urriaren 8, 15 eta 30ean). Jadanik Txistor-entzat eza eman da! Orain artinoko ezezko erantzunak ikusirik, herritar batzuk itzulguneetan elgarretaratzeak eta akanpatzeak apailatu dituzte iragan larunbatean, herritaren informatzeko asmoz. Hara Hazparnekoa.