Herriko bozak izanen dira beraz heldu den martxoan, bi igandez segidan, 15ean eta 22an. Jadanik bada apailu asko bazterretan, dela denen jakinean, dela ahal bezen isilka. Frangotan aditzen da auzapez frango nardatuak direla, sobera lan ba bizkarrean, sobera traba ere kausitzen. Ez du baitezpada iduri haatik gure eskualdean hortan gitazkeela. Galde bat askotan entzuten dena, auzapez berririk izanen den ala ez. Hori boz-emaileek dute erranen tenorea jinen delarik. Oraidanik erraiten ahal dena da Ziburun segurik auzapez berri bat izanen dela. 2001ean hautetsia izana da Guy Poulou eta geroztik beti aitzina segitu du bainan badu zonbait denbora deplauki errana duela ez dela berriz bozketa abiatuko. Osasun arrangurak ere ukanik. Gisa guziz, ez dira ziburutarrak hautagai eskasean geldituko. Lau zerrenda ari dira prestatzen, bosgarren bat izaiten ahal eta beharbada seigarren bat ere. Urruñan ere oraiko ustez segurik, auzapez berri bat ukanen dute. Odile...

Urruñan, gauak gau piztu da nolazpait, bai eta hedatu, gaitzeko sutea, Produit Beton izeneko lantegia azkarki funditua duena. Etxe horrek ekoizten du betoinezko muntadura frango. Badira hor 15 langile, orai lanik gabe zonbait denborarentzat....

Etxe famatua da Quiksylver, mundu guzian ezagutua, erro azkarrak ba gure Kostaldean ere, gaitzeko eremua bere gain, puskategi, bulego eta beste, Donibane Lohizunen. Solasa da haatik ez dela orai hain azkar, eta horrengatik dena arramoldatzen ari, untsa jarria iduri duen tokietan ere. Diote beraz hor gaindi Donibanen dituen funtsak saltzen ahal luzkeela. Aitzina hor egonez naski bainan jabe berria litakeenari arranda pagatuz. Deus ez omen da eginik, zurrumurruak bakarrik, azkarki hedatzen ari direnak nolazpait eskuin eta ezker....

Debruak - edo deabruak orai frangok erraiten duten bezala À¢'€'" fama txarra dauka. Ez beti haatik. Donibane Lohizuneko zinemaldia bururatu baita, eta ederki bururatu, sari nagusia ardietsi du "Sympathie pour le diable" izeneko obrak, filmegilea izanki Guillaume de Fontenay. Obra berari eskaini diote publikoaren saria bai eta zinezale gazteena. Gainerat, gizonkietan jokolari hoberenaren saria lortu du Niels Schneider artistak, film berean ari denak....

Donibane Lohizunen, joan den goiz batez, Pergola aldean ibilki ziren jendeak ez ahal dira guti harritu! Pentsa, hiru palmondo, frango handiak, ikusi dituzte airean johan, gauza hori ezin sinetsia ere iduritu baitzaiote! Laster jakin dute haatik zer gertatzen ari zen. Berrikitan idatzia dugu hemen berean Thalazur artategia eta hotela zerratuak direla hamar bat hilabeterentzat, gaitzeko obrak egin behar han berean. Ondo hartan baziren hiru palmondo, batto aspaldian landatua eta beste biak duela hogoita-hamar urte, Hélianthal sortu zelarik, duela zonbait urte Thalazur bilakatua dena. Obrengatik, palmondoak behar ziren errotik ateratu. Eta gero? Puskatu eta erre? Ez, osagarri betean zirela oraino, beste biderik hartua izan da, Herriko Etxea sustatzaile. Arta handiz, hiru palmondoak errotik atera dituzte, erroeri untsa kasu eginez, eta Dukontenea parkerat eremanak izan dira, han bazitakeela heientzat toki bat arras asurtia. Airean joan dituzte, gisa hartako...

Donibane Lohizunen, izan da mugimendu joan den egunean Harriet-Baita egoitzaren ondoan. Gaitzeko karpa handia xutik ezarri dute heldu den hilabete hortarik goiti, denak untsa pikoan ezarriak izanik, bilkura, hitzaldi eta ikusgarri askorentzat. Karpa hori Herriko Etxeak erosia Angeluko herriari, han etzutela gehiago beharrik. Eroste hori egina, ja kondatua dugu funtsean, bainan dugun bada oroitarazi zergatik egin den tratua. Thalazur etxean bururatuko direlarik hasi berriak diren obrak, Ravel entzutegia ez da gehiago baliatzen ahalko orai arte bezala. Bestalde, aldaketak izanen dira ere laster Dukontenea egoitzan. Aterbe bat eskas beraz bilkura eta ikusgarri askorentzat. Karpa handi hori baliatzen ahalko da. Berrehun bat lagun kokatzen ahal aterbe hortan. Eta noiz arte? Xuxen erraiteko ez dakigu bainan denak untsa joanez bi urterentzat hor da. Eremu berean eraiki beharra dute gaitzeko kulturgune zabala, bost ehun bat lagun aterbetzen ahalko dituen areto handi...