Urriaren 19an larunbatarekin (11:00), Donibane Lohizuneko Merkatu Estaliaren aitzinean Eusko Elkarteen Egunaren lehen edizioa iraganen da. 2019ko eusko monetaren %3aren banaketa (11:00): 20 000 eusko baino gehiago banatuko dituzte, laguntzaileek aukeratu dituzten 50 bat elkarteri. Urte osoan zehar euskoz egin dituzten trukaketen %3a jasoko dute. Dohaintza hori enpresek euskoak eurotan aldatzen dituztelarik aplikatzen den %5eko komisioaren bidez diruztatua da, eta horri esker Eusko Moneta, elkarte biziaren finantziazio tresna bilakatu da. Dirua eskuratuko duten elkarte ezberdinak hor izanen dira. Eusko %3a nola ibiltzen da? Euskoan kidetzen delarik tokiko elkarte lagun bat aukeratu behar da. Elkarteak, 30 lagun lortzen baldin baditu, urtero euskoz trukatu duten diru zamaren %3a eskuratuko du. Eusko Elkarteen Egunaren egitaraua hauxe da: elkarte eta laborarien herrixka (10:00-17:00). Ingumak txarangak merkatua alaituko du (12:00), eta Donibane Lohizune/Ziburuko ikastolak ostatua eta taloak proposatuko ditu. Eguna poteo alaitu batekin bururatuko da (18:00- 23:00). Bezperan, urriaren 18an (19:15), Le Sélect zine gelan, Sam Caro zinegilearen "L'argent autrement" dokumentalaren proiekzioa iraganen da. Filmaren ondotik Eusko Monetak animatuko duen eztabaida bat izanen da, segitzen ahalko da poteo baten inguruan Le Sélecten ostatuan.