Garapena gogoan

Iragan asteburuko mendi garbiketaren ildo beretik nolazpait, nahiz beste molde batean, beti garapena gogoan gisa guziz, bereziki garapen iraunkorra, horra beste hitzordu bat, aldi huntan larunbatean, urriak 15 (10:00),Errepira aldeko bilgunean. Hasteko han izanen da liburutegi ibiltaria. Irakurketa berezi bat Elise Devin idazlearekin (11:00). Ondotik bai eta arratsaldean, tailer asko gai parrasta bat gogoan.

Odol emaite

Odola beti eskas-eta artategietan, heldu den astean, bi egunez segidan, odola emaiten ahalko da Errepira aldeko bilgunean, tokia aitzinetik segurtatuz usaian bezala. Lehen odol biltzea astelehen goizean (8:00-12:00), bigarrena astearte arratsaldean (15:00-19:00).

Arraildurak

Ziburuko portuan, Ravel kaian Garra jatetxea aterbetzen duen etxea zerratu behar ukan dute eta estaietan bizi zirenek lekuak hustu behar ukan dituzte, lanjerrarengatik, arraildura batzu agerturik murruetan. Espertek galdeturik Herriko Etxeak hartu du gisa hortako erabakia. Zerk nola eginak arraildura horiek, ikerketa bat manatua da eta ondotik eginen dira behar diren obra guziak, agian lehenbailehen.