Ekainean Kanboko San Mixeleko 6.ak eta irakasle batzuk Ibarrera joan gira egun pasa, San Mixel Garikoitz-en herria eta inguruak hobeki ezagutzeko.

Lehenik eguerdiko bazkariak hartu ditugu eta bi autobusetan igan gira. Bide luze eta bihurgunez betea oren batez segitu eta, San Antoni mendiraino oinez joan gira. Igotzean talde tipiak egin ditugu, horrela beste geletako ikasleekin nahasi gira. Iratzeetan ibili gira, behiak ikusi ditugu eta azkenean San Antoni kaperara heldu gira. Handik Pirinioak ongi ikusi ditugu. Irakasleek esplikatu digute leku hori bake leku bat dela. Pausa egin dugu, kantatzeko eta jateko.

Arratsaldean, autobusa hartu dugu eta Ibarrera joan gira, San Mixel Garikoitzen sortetxera joaiteko. Han irakasleek San Mixelen haurtzaroa eta bizia kondatu digute. Etxea bisitatu dugu, bi taldetan. Ohartu gira lo gela eta gelak ttipi ttipiak zirela. San Mixel Garikoitz etxe xume batean sortu eta hazia izan zen.

Egun goxoa pasatu dugu, seigarren guziek eta...

Urtero bezala, kolegioko ekipa pedagogikoak urte hastapeneko egonaldia proposatu du kolegioko 86 seigarreneko ikasleei. Irailaren 28tik 30era, Orioko Txurruka aterpean egon dira euskarazko giro batean murgildurik, elkar hobeki ezagutzeko helburua hartuz, ikastola desberdinetatik heldu baitira (Donibane Lohizune, Azkaine, Bidarte, Hendaia, Urruña...).

Irailaren 28an, asteazkenez, txirrina jotzean, maletak elkartuz, deia egin ondoren, seigarreneko ikasleek Zestoako bidea hartu dute. Bertan, Ekain Berri leizeetara hurbilduz, tailer-gelara sartu dira batzuk, garai hartako margolaritza edo(ta) sua nola egiten den ikasteko, ondotik ehiztari ttipiak bilakatuz, arkuaren erabilpena eta lantza botatzearen ariketa eginez. Azkenik, leizeetako arroketan agertzen diren margoak, bereziki zaldiak, hurbiletik aztertu dituzte. Taldearen beste parteak, Zestoako herria bisitatzeko aukera ukan du, bertako polikiroldegian jolastuz eta bazkalduz. Ondotik aktibitatea trukatu dute. Arratsaldeko...

Axut antzerki taldeak obra berria prestatu berri du, lehen estreinaldia Luhusoko Harri Xurin iraganen da, urriaren 14an (20:30). Ondotik konpainiak bidea hartuko du, jadanik hogei bat emanaldi finkatuak dira, horietan Ipar Euskal Herrian azaroaren 11n Larresoron eta 18an Hendaian. Pentsatzekoa da beste batzuk ere urtean zehar emanen direla.

"Hondamendia" obra Harkaitz Canok du idatzia, taula-zuzendaritza lanetan Ximun Fuchs. Aktoreak Ander Lipus, Maite Larburu, Manex Fuchs, Ruth Guimerà, Eneko Gil, Ane Sagüés, Jon Ander Urrestiaitatu dira. Zaldibarreko hondakindegian 2020an gertatu hondamendia eta ondotik pandemiak eragin aldaketak dira obraren mamia. "Zaborra metafora bat da batzuetan. Baina ze metafora da kiratsa darion hau? 2020ko otsaila: zabortegi baten kolapsoak azpian bi langile desagerrarazi ditu. Erran ezinbestea izan dela. Erran zortea izan dela. Edo haien senide tipi eta apalen zorte txarra....