Migratzaileekin trafikoa egiten zuen gaizkile taldea desegin du Guardia Zibilak Bizkaian, eta zazpi pertsona arrastatu ditu, bortz Muskizen eta Portugaleten, bertze biak Madrilen. Azken bi atxiloketa hauek Bizkaiko operazioaren bezperan gertatuak ziren. Gainera, Santurtziko bertze bizilagun bat ikerketapean ezarri dute.

Denis Itxaso Espainiako Gobernuak EAEn duen ordezkariak operazioa baieztatu du kazetarien aitzinean. Itxasoren arabera, gaizkile taldeak Kantauri itsasoko portuak erabiltzen zituen migratzaileak Erresuma Batura zuzenkontra eta gordeka eramateko, diruaren truk.

Urriaren 16an ospatuko da Nafarroa Oinez bestaren 41. edizioa, Tafallan, Garces de los Fayos ikastolak antolaturik. Ikastolak 50 urte bete ditu aurten. Mende erdia seinalatzeko, 50 urtez euskararen alde egin lana eta gaur egun seme-alabak euskaraz hezten segitzeko eskubidea aldarrikatu nahi dute antolatzaileek, Erdian Erein leloa duen ospakizunaren bidez. Halaber, oroitarazi nahi dute ikastolek hezkuntza eredu berrietara egokitzeko tresnak behar dituztela eta ikasleentzat eremu ideki gehiago izan beharko liratekeela ere.

Asteburu osoko besta prestatu dute aurten, egun nagusia igandea izanen bada ere. Larunbatean, urriaren 15ean, dianak izanen dira (10:00), ondotik, eskulangileen ekoizpenak eta taloak ikusi eta erosten ahalko dira. Eguerdian, erraldoiak, euskal dantzak eta kantu poteoa preziatzen ahalko dira herrian barna. Arratsaldean ere izanen da zer egin eta zer ikus: haurrendako ipuinak, Pasadizoko kontzertuak, liburu aurkezpenak, e. a.

Igandeko ekitaldiak...

Baztanen kokatzen den Artesiaga aldeko Erdiz mendian magnesita ustiatzeko xedetan dabil Magnesitas Navarras (MAGNA) enpresa. Nafarroako Parlamentuaren osoko bilkuran finkatu den ebazpen baten bidez, Gobernuari galdegin diote "foru intereseko inbertsio" deklaratu dezala proiektu hori. Ebazpenaren alde bozkatu dute Navarra Sumak, PSNk eta Geroa Baik. Kontra agertu dira, aldiz, EH Bildu, Ahal Dugu eta Ezkerra.

Ebazpena sustatu duen PSNren arabera, Esteribar haraneko familia anitzentzat gutienez 25 urtez enplegua eta bizi kalitatea segurtatuko lituzke meategiak. Alabaina, Magnesitas Navarrasek badu meategi bat Eugin baina, bortz urte barne agortuko omen da hango materiala. Horregatik, MAGNAk dio Erdizko mendian bertze meategi bategitea Eugiko langileak lanik gabe ez gelditzeko aterabide bakarradela.

Haatik, proiektua ez da denen gustukoa. Erdiz Bizirik plataformak, adibidez, ez du batere begi onez ikusten meategi xedea. Alabaina, Baztango laborari frankok ez dute lurrik...

Euskara Denontzat plataforma aurkeztu dute Bilbon urriaren 8an. Egitura honen xedea da euskararen aldeko hizkuntza politika aldatzeko galdea egitea. Plataformako kideen ustez, gaur-egungo euskararen ezagutza-mailaren eskakizuna "gehiegizkoa"eta trabagarria da administrazio publikoan lanpostuak erdiesteko. Gainera, horrek hizkuntzaren arbuioa eragiten omen du biztanleriaren zati batean.

Aurkezpenean parte hartu dute Fabien Laespada plataformako bozeramaileak, Joseba Erkizia HABEko zuzendari ohiak eta Lourdes Oñederra euskaltzainak. Euskara Denontzat-en arabera, hizkuntza-eskakizunak eremu bakoitzeko errealitate soziolinguistikora egokitu behar dira. Laespadaren ustez, ezin da maila bera eskatu Azpeitian eta Karrantzan, adibidez. Alabaina, Azpeitiko biztanle guziak euskaraz ari dira egunerokoan, Karrantza bezalako herri batean, ordea, soilik herritarren %2 dira euskara dakitenak.

Halaber, soilik ahozkoa den hizkuntza-eskakizuna sortzea ere galdegin dute, zenbait...

Manifestaldi jendetsua izan da joan den larunbatean, Donostian barna, ETAko presoak Euskal Herriko espetxeetara hurbiltzea eta aplikatzen zaien salbuespenezko legedia gelditzea galdegiteko. Sarek deitua zuen manifestaldia eta oraino mobilizatzen segitzeko eta urtarrilaren 7ko martxan "dena emateko" deia egin du, "behin betiko konponbidea emateko unea delako".

Manifestaldia eguerdian abiatu da Pio XII.a plazatik, "Etxera bidea gertu" lelopean, eta Donostiako karrikak zeharkatu ondoan, Ilunben bukatu da, Joseba Azkarraga eta Bego Atxa bozeramaileen mintzaldiarekin.

Biek ohartarazi dute aldi honetan lortu dela duela bi urte baino gehiago proposatua izan zen desafioa, hots, Euskal Herriko biztanle bezainbat kilometro egitea, beren aldarrikapenak plazaratuz. Larunbatekoarekin, "izan bidea" dinamikaren azken metroak egin dituzte.

EAJk jakinarazia zuen Sareren martxan ez zuela parte hartuko, baina bere aldarrikapenak izenpetzen dituela adierazi du, eta "urte askotan...