Herriz Herri - Lasa (NB) | 2017ko Ekainaren 01a
Heriotze
M.G.
Ustegabekoa izan dugu iragan astean Michel Ithurralde Intxauzpekoaren heriotza. Gizona ontsa eta azkar ikusten ginuen, 89 urte bizkarrean bazituen ere. Zonbait egun bazuen bere autoa gidatuz jina zela Parisetik sortetxerat bere emaztearekin udaren pasatzerat, urte oroz egiten zuten bezala. Negua Parisen pasatzen zuten, beren bizitza lekua han zuten, Michelek bere lan denbora Parisen egina baitzuen autobus gidatzaile. Bulta txar bortitz batek ukaldian jorik, Baionako ospitalerat eremana izan da eta biharamunean zendu da. Maiatzaren 26an lagundua izan da etxeko hilobirat, Amestoy apezak eman meza kartsuak eta guzien otoitz eta kantuez segiturik. Gizon on, prestu, xerbitxu egile baten oroitzapena uzten dauku eta guziz Hiribehereko auzoentzat huts handi bat izanen da. Gure dolumin bizienak hoinbeste laguntzen eta sustengatzen zuen emazteari, seme, arreba eta horien familieri.
