Donibane Lohizunen, herriko batzokiak hitzaldi sail eder bat muntatzen du arta handiz, hitzaldiak izaiten dira untsalaz hilabete bakoitx, udan salbu, azken ortzegunean.

Lehengo urre meategiak

Donibane Lohizunen, herriko batzokiak hitzaldi sail eder bat muntatzen du arta handiz, hitzaldiak izaiten dira untsalaz hilabete bakoitx, udan salbu, azken ortzegunean. Maiatzean haatik, ez da hitzaldirik izan, azken ortzeguna Salbatore baitzen. Horra beraz maiatzeko hitzaldia ekainaren lehenean, ortzegun huntan, arratseko 7etan, Dukontenea gelan. Gaia, Erromanoen denborako urre meategiak Euskal-Herrian. Zer da istorio hori? Denboran, urrea palataraka biltzen ote zen gure herrietan gaindi? Ortzegun huntan ukanen ditugu xehetasunak? Hizlaria, Louis de BufÀ¯'¬'ères ikerlea.

Zokoako bestak

Zokoako bestak ez dira asteburu huntan bainan ondokoan, Trinitatez. Igandeko bazkariarentzat, izenak oraidanik eman behar, eta heldu den asteazkeneko berantenaz, Besta-Komitearen bulegoan, goizetan 10-ak eta eguerdi artean, arratsaldetan 5ak eta 7ak artean.

Denak baratzerat!

Asteburu huntan, baratze guzien besta omen da! Donibane Lohizunen, baratze botanikoa urririk bisitatzen ahalko da. Han berean, larunbat arratsaldean, izanen dira tailer batzu eta hitzaldiak ere ba. Besteak beste baratzezaingoaz. Bai eta erakusteagatik nola neolitikoa deitu denboraldian jendea ohartu zen laborantzari eta abere hazkuntzari, azpimarratuz horrek nolako aldakuntza handiak ekarri dituen.