Mus xapelketa

M.G.

Ohore eta atsegin ukan dugu jakin dugularik Frantziako museko xapela jauntzi duela gure herritar Ellande Idiart Bidarteko nagusi xaharrak orain Garazin bizi dena Ondarla Hamekaineko Battitta Lapeyrekin Pazko biharamunean Ilharren jokatzen zen mus xapelketan. Helburu hortara heltzeko berek jakin zonbat pare baztertu dituzten eta hor berak bezalako jokolari gogorrek bentzutzeko erakutsi dute burua sano daukatela eta izpiritua argi eta erne, bizkarrean izanagatik 82 eta 88 urte! Goresmen eta zorionak Ellande eta Battitta, goza zazue bozkario hori suerte on bat desiratzen dauzuegu jokatuko duzuen munduko xapelgoarentzat. Jakin dugu ere beste 2 pare baginituela ere herritik hautatuak zirenak hor jokatzeko. Ez baduzue ere zuen helburua kausitu, goresmenak ez baita gaizki hortarat heltzea. Biba zuek eta segi hola!

3498. zbk

Sortzeak hiltzea zor

Betiko errana

Gure Hitza | 2019/05/09

Urtea lanari, maiatza alferkeriari!

Menane Oxandabaratz

Maiatza da langileek gostukoa duten hilabetea, nola ez besta egun anitz baitira, maiatzaren 1a, ondotik 8a eta 30ean Salbatore. Nola ez uros izan kasik aste guziz pausu egun bat dugula! Egun horiek guziek badute beren erran-nahia, bakoitzak jende mota bat hunkitzen duela.

Maiatzaren lehenean langileek ohidura dute karriketan ibiltzea, funtsean nihaurek betidanik maite izan dut egun hortan Baionako bidea hartzea, errituel bat bilakatua dena. Giro berezi bat bada, sektore desberdinetako langileak bilduak, bakoitzak bere berezitasunak dituela. Lantegi handi horietakoek banderola alimale batzuk dituztela, autoak sono azkarrekin, tropan etorriak... beste langile-ofiziale edo bulegoetakoak bakarrik etorriak baina gostura egonki. Hots giro horrek emaiten du bakoitza bere lan sailean ari bada ere urtean behin elgarrekin bilduak direla. Manifestazioaren bukaeran sindikatuek muntatu ostuetan aperitifa bat goxoan edaten dugula. Egun horrek sentsu azkar bat baldin badu ere, ez baita...

Irakurri segida

Gurekin harremanetan sar