Herriz Herri - Itsasu (L) | 2019ko Maiatzaren 09a

Itsasu

Etcheverry eta Ducassou
Etcheverry%20eta%20Ducassou

Atharri lehiaketa

Hasi da aurtengo lehiaketa joko berrin. Final-laurdenak jokatu dira joan den ostiralean. Lehen partidan aisesko nagusitu dira Maxime Etcheverry eta Battitt Ducassou, 40 eta 27 irabaziz Antton Monce eta Ximun Lambert-i. Battitt Ducassouk ederki kudeatu du bere bikotekide gaztea. Atakatuagoa izan da bigarren partida, eta azkenean Mathieu Ospital eta Xala irabazle atera dira Eñaut Echeverria eta Peio Guichandut-en kontra, 40 eta 35. Alta gibeletik ibili dira haste-hastetik. 26etan berdindu. 34etan ere berdin ziren bi bikoteak, eta beraz Ospital eta Xala irabazle 40-35. Astearte huntan, maiatzaren 7an, jokatuko dira finalerdiak. Aratseko 7etan ariko dira Etcheverry eta Ducassou iragan urteko irabazleen kontra, Bielle eta Harismendy. Eta ondotik bigarren partida: Ospital eta Xala, Larralde bi anaien kontra. Finala jokatuko da maiatzaren 11n, larunbatez, aratsaldeko 5etan. Atharriko partida bat ere izanen aitzinetik, 4etan. Sartze-saria 8 eurotan finkatua da, salbu finalerako: 10 euro. Urririk 16 urte azpitiko gaztetxoentzat. Finalaren ondotik izanen da ere afaria, usaian bezala. Partida eta afaria: 30 euro. Izenak eman behar dira maiatzaren 5a barne telefono huntara deituz: 05 59 29 87 97.

Odol altxatxeak

Odol altxatzeak eginen dira bi aratsaldez aste huntan, ostegun eta ostiralez, maiatzaren 9 an eta 10ean, Sanoki gelan, (15:30-19:00).

Abisu

Herriak langile bat beharko du heldu den agorrileko, hilabete batentzat, zerbitzu teknikoetarako. Galdea egin behar da Herriko Etxean zuzenean.

Email Buffer Facebook Google Twitter Pinterest LinkedIn Digg StumbleUpon Tumblr

3498. zbk

Sortzeak hiltzea zor

Betiko errana

Gure Hitza | 2019/05/09

Urtea lanari, maiatza alferkeriari!

Menane Oxandabaratz

Maiatza da langileek gostukoa duten hilabetea, nola ez besta egun anitz baitira, maiatzaren 1a, ondotik 8a eta 30ean Salbatore. Nola ez uros izan kasik aste guziz pausu egun bat dugula! Egun horiek guziek badute beren erran-nahia, bakoitzak jende mota bat hunkitzen duela.

Maiatzaren lehenean langileek ohidura dute karriketan ibiltzea, funtsean nihaurek betidanik maite izan dut egun hortan Baionako bidea hartzea, errituel bat bilakatua dena. Giro berezi bat bada, sektore desberdinetako langileak bilduak, bakoitzak bere berezitasunak dituela. Lantegi handi horietakoek banderola alimale batzuk dituztela, autoak sono azkarrekin, tropan etorriak... beste langile-ofiziale edo bulegoetakoak bakarrik etorriak baina gostura egonki. Hots giro horrek emaiten du bakoitza bere lan sailean ari bada ere urtean behin elgarrekin bilduak direla. Manifestazioaren bukaeran sindikatuek muntatu ostuetan aperitifa bat goxoan edaten dugula. Egun horrek sentsu azkar bat baldin badu ere, ez baita la...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016