Pilota

Plaza laxoan - Denbora ederra lagun, plaza laxoko partidak Iparralde huntako xokoetan abiatu zauzkigu. Irisartarrak pilota elkarteak jazko sasoian emaitza ederrak egin zituen, gaztetxoekin Etchevers-Bidart pareak Euskal Herriko finalean galduz etagaztetan Mollon-Bidart finalerdietara helduz.

Aurtengo, elkarteak 13 pare engaiatu ditu, xitoetarik lehen maila arte. Preseski gure lehen mailako Etcheto-Arbeleche, axeri xaharrak, beti hor ditugu eta beren lehen partida maiatzaren 20an (20:00), Urruñako plazan, Bideondo-Etchegaray parean ukanen dituzte.

Palantxa trinketean - Hemen ere Union Basque xapelkoaren kontu, nesketan jadanik 4 pare hasiak dira. Gure herriko edo udako lehiaketen karietara, palantxakoa jadanik bidean dugu, bere 70 parerekin, finalak usaian bezala buruil erditsutan iraganen dira.

MO

Eskubaloia

Prenazional mailan 2. taldeak 26/36 galdu du, sasoiko azken partida Blanqueforten kontra.

Halere maila berean gelditzen da. 17 urtez petik den taldeak 30/29 irabazi du Saintes hirian, 2. dira.

Heldu den larunbatean nazional 2. mailan, lehen taldea Airoskin ariko da (20:30), Libourneren kontra.Partida hunenirabaztea beharrezkoa izanen da,galtzailea heldu den urtean hozka batez jautsiko baita.

Neskak Airoskin ariko dira (18:00) Villenave taldearen kontra. Talde hau, Irisarri-Kanbo uztarturik, prenazional mailan heldu den urtean hozka bat gorago izanen da.

Irisarri-Atharratze 17 urtez petik den mutiko taldea, Atharratzen ariko da Biard taldearen kontra.

Departamenduko xapelkoan 7 taldek finalerdiak jokatuko dituzte, beraz urte ona izan da. Segi bururaino!

Herriko pestak

Ekainaren 3, 4 eta 5eanherriko pestak ditugu. Aurtengo programa: ortzirale arratsean zikiroa, larunbat arratsean kontzertua eta ondotik dantzaldia.Igandean herritarren bazkaria izanen da, pestak segituko du Art'Zain ostatuan.

Iragan urtean Covidarengatik herritarren artean egin baziren, aurten deneri idekiak dira.Ongi etorri!

J-P.E.