Besta komitea - Maiatzaren 14an Zugarramurdiko Azketa jatetxean bazkaria egin du. Gomitatuak zituen, gaztez gain, borondateko jendeak, bestetan jokoez, pilotaz eta indar-jokoez okupatzen direnak. Denetara 30 bat baziren, beti bezala jateko onak ukan dituzte, bai eta ere gazte horiek zintzurra ongi bustitzekoa eskaini dute. Aurten ere usaiako manifestazioak izanen dira, buruilaren 10etik 14ra. Mementoa etorriko delarik, xehetasunak emanen ditugu.

"Kafia" - Lehengo Baketu ostatu lekuan, ideki da Kafia ostatua. Jatetxe hortan, Amaia eta Mikel dira oraiko nagusiak, badute sukaldaria eta karta ederra proposatzen dute. Lanbide hortan berriak dira, bainan ez naiz beldur fite ikasiko dute, gazteak dira eta gazteria maite. Poliki-poliki beren gazte lagunak hor izanen dituzte sustengatzeko, hartu kuraia dena ongi joanen da. Ene partez eskerrak zueri.

Apirileko egoera zibila - Heriotzak: Cogel Axel 80 urte Errotaldekoborda; Saint Esteben Adela sortzez Perry, 87 urte, Bazter Etxea; Etchegaray Marie sortzez Errandonea, 89 urte, Etxelekukoa eta Dainciart Martin, 96 urte, Muttilainekoa.

Ezkontzak: Amestoy Bixente eta Rozada Sibylle; Demarcq Jonathan eta Dubaquie Aline.

Abisu: Maiatzaren 28an (18:00), Sarako elizan, "Alborada" orkestrarekin kontzertua iraganen da. Orkestraren buru Jean-Pierre Lagarde eta Maxen Vieux-Rochas, sarrera libre, bonetarekin pasatuko dira eta zuek nahi duzuena emanen.

Pilota - Errebotean: Artekoak: Iriarte Eñaut-Iribarren Oihan galtzaile 30-26 Mauleren kontra. Gaztetxoak: Pradere Onaitz-Saint Martin Joanes irabazle 30-19 Atzarriren kontra, Semerena Eneko-Aguirre Arkaitz irabazle 30-12 Atzarriren kontra. Kimuak: Idoate Uhaitz-Herredia Unai irabazle 30-15 Urruñarrak-en kontra, Amorena Behoteguy Xalbat-Zabaleta Huerta Autitz irabazle 30-26 Urruñarrak-en kontra. Xisteran joko garbi 2. mailan: Arribillaga Eneko, Harinordoquy Alain eta Mounho Eneko galtzaile 40-27 Goizeko Izarraren kontra.

Errugbia: Finala jokatuko dute Elorrioko taldearen kontra. Finala, maiatzaren 28an larunbatarekin, Elorrioko errugbi zelaian iraganen da. Sarako errugbi taldeak egun hori hautatua zuen, maiatzaren 28a, ohoratzeko taldearen 50 urteak. Nola finala egun hortan den, uztailaren 14a hautatu dute beren eguna ospatzeko.

À¯'"'¿