Obrak edateko uraren sarean

Herriko Etxeak jakinarazten du edateko uraren sarean obrak eginen direla, maiatzaren 16tik uztail bukaeraraino iraunen dutenak. Obra horiek Euskal Elkargoak finantzatzen ditu. Gune batzuetan bidea moztua izanen da eta gehienik trabatuak izan daitezke Arruntza eta Heraitze auzoak. Lanen denboran desbideratzea seinalatua izanen da, 932 erregebide nagusitik ibiltzeko gisan. Biztanleek agian ongi ulertuko dutelakoan lan horien beharra.

Gaztetxeak 20 urte

Uztaritzeko Hitzopen Gaztetxeak larunbat huntan bere 20. urtebetetzea ospatuko du, maiatzaren 21ean. Eguna hasiko da Gaztetxean berean eguerditan, bertsu bazkari batekin, 22 eurotan. Bertsulariak Amets Arzallus eta Andoni Egaña. Tokia erreserbatzeko deitu zenbaki huntara: 06-26-17-59-52. Arratsaldeko egitarauan: Tolosako Udaberri dantza taldea; (20:00) Bontan gaualdia Matraka Elektrotxarangarekin; ondotik gaualdiak segituko du Porkeno, McOnak eta Itziaren semeak taldeekin. Louis Dassance ikastolak taloak afariko segurtatuko ditu. Bazkaria + gaualdia: 25 euro. Gaualdia bera 8 euro.

Heraitzeko bestak

Maiatzaren 25etik 29ra iraganen dira Heraitzeko bestak, bi urtez egin gabe egonik, besta batzordeak egitarau polita muntatua du. Asteazkena 25a: (19:00) pilotan esku-huskako lehiaketen finalak, 2. maila lehenik eta lehen maila ondotik; (20:00) auzoen zintzur bustitzea. Osteguna 26a: (14:00) mus txapelketa (izenak tokian berean harturik). Ostirala 27a: (19:30) zikiro jatea, 22 eurotan, izenak aitzinetik emanez bi telefono hauetarik bati: 06-68-12-87-08 edo 06-52-44-12-56 eta Edantza taldeak alaiturik. Larunbata 28a: (14:30) haurren jokoak, (15:30) Heraitzeko birla xapelketa, (18:30) mutxikoak Erdizka taldearekin, (20:00) Elektrozarata txaranga, (22:00) Kakolak taldea, (00:30) kontzertua Bulego taldea eta dantzaldia Patxa-Mamarekin. Igandea 29a: (10:00) Santa Katalina kaperan meza, (11:00-13:00) pintxo lehiaketa, (11:30) zintzur bustitzea (komiteak eskainirik), (12:00) Danborrada Ur Begi-rekin, (13:00) pintxo dastatzea Josteta abesbatzarekin, (16:00) Eneko Lamotheren kantaldia, (17:00) dantza ikusgarria Topa Nokarekin eta (19:00) kontzertua Andoni Ollokiegirekin. Egitarau segur aberatsa aurtengoa. Besta horiek aro ederra lagun, umore onean eta elgarren errespetuan iragan daitezela. Besta on deneri!