Herriko bestak

Agorrilaren 14tik 18a arte iraganen dira. Aurten ere herriko besta komiteak egitarau aberatsa proposatzen du. Xehetasunetan sartu gabe, hitzordu inportanteak aipatuko ditugu. Besten idekitzean, arrakasta gaitza bildua duen Andoni Oilokiegi entzuteko parada emana da (22:00), herriko pilota plazan, euria balitz merkatu estalian. Andredena Mariz meza (10:30), ondotik Garazi Kantuz eta arrastirian (19:00) Galtxetaburuk animaturik mutxikoak. Agorrilaren 17an Uharteko karrikan bazkaria, izena eman behar da 06-13-69-25-75ra deituz, arratsaldean errugbi partida Nafarroa/SJLO Donibane Lohizuneko ekipoaren kontra. Igandean ere animazio desberdinak izanen dira, horietan herriko plazan xistera saileko finala.

3759. zbk

Gure Hitza | 2024/08/01

Bakantza on deneri!

Ainhoa Etchenique

Euskal Herriak urtero turista anitz erakartzen ditu. Aurten ere, gure bideetan kanpotar matrikulak ezker-eskuin ikusten dira. Errexki asma daiteke gure aitzinean turista bat badela, bere bidea atzematen ez duenez edo 80 kilometro ordura mugatua den bide batean 50era joatea irringarriagoa dela atzematen duenez, auto lerro alimaleak sortzen baititu. Erran behar da arrunt kakingarriak direla!

Iazko abuztuan, 3.507.000 bisitari izan ziren Ipar Euskal Herrian. Frantziatik heldu direnen bisitarien %100a hartzean, %10a Parisetik etorri da, %7a Girondatik eta %6a Hauts-de-Seine-tik. Atzerriko bisitarien %100a hartuz, %12a Erresuma Batuetatik etorri da, %15a Alemaniatik eta %29a Espainiatik.

Iazko irailean ere turismoak azkarki segitu du, 1.920.000 bisitari izan baitira. Orotara, 2023. urtean, 16.781.000 bisitari inguru zenbatu dira. Horietan, %80a Frantzia estatutik etorri da.

...

Irakurri segida

PDFa jaitsi