Herriz Herri - Heleta (NB) | 2024ko Urriaren 31a

Larrazkena - Elizkizun tenoreak

Larrazkena

Larrazkenean sartzera goatzi. Aurten, idortearen orde izatekoz euritea dugu, nahiz haize hegoa heldu den. Onddorik ez da izan, bakarrik gune batzuetan. Ikusi izan da urte batez urriaren 20an euria hasi eta 29an gelditu zela. Gure eskualdean ez dugu halere desmasia handirik ukan, urtxoak abiatuak daude frango polliki, lertsunak milaka badaude, jada pasaturik. Horiek orok hazilan sartuko girelako seinaleak, izanen baita orduan ere zer egin. Omiasaindu azaroaren 11n. Santa Katalina Heletako feria famatua, denak gogoan atxiki behar direnak.

Elizkizun tenoreak

Huna gure parropiako elizkizunen tenoreak:

Omiasainduz azaroaren 1ean (9:00) Heletan, (10:30) Iholdin. Azaroaren 2an (17:00) parropiako hil guzientzat. Azaroaren 3an (10:30) meza bakarra Mehainen. Azaroaren 11n (10:30) Iholdin, Irisarri, Landibarre, Mehaine eta Heletako gerlari ohi guzientzat, ondotik bazkaria. Eman izenak herrietako ordezkarieri.

Landareen musika

Peio Jorajuria

Landareak ere musikariak ditugu. Hara duela guti zer deskubritu dugun kontzertu batean. Azken urte hauetan askotan aipatzen da zuhaitzek eta oro har edozein landarek halako bibrazio edo uhin berezi batzuk zabaltzen dituztela, berek bizi dutenaren seinale. Hortik, haatik, musika jotzeraino, bada urrats bat beteko ez genuena! Alta, kontzertu horrek bildua zen publikoari frogatu dio landareek, landare guziek, musika jotzen dutela.

Musika horren entzuteko, haatik, baldintza bereziak behar dira. Delako kontzertuan, bi artista bagenituen Ariègetik etorriak, bata harpe-jolea, bestea krontrabaxu-jolea. Landare andana batez inguratuak ziren, iratze, fuchsia eta beste, hemengo eta urrunagokoak. Landareari bi kaptatzaile berezi lotzen zizkioten, bat erroetan, bertzea hosto batean, eta bertze puntan bi kaptatzaile horiek kutxa ttiki bati lotuak ziren. Kutxak...

Irakurri segida

Gurekin harremanetan sar