Herria | Herriz Herri

Eskolaren ate idekiak - Topada fabrika

Eskolaren ate idekiak

Gure herriko eskola publikoak ateak idekiko ditu otsailaren 28an, larunbat goizez (10:00-12:00). Helburua: eskolako apailamenduak deskubritu eta argitasun guziak zabaldu interesatuak litezkeeneri. Aurten 34 ikasle dira eskolatuak, erakaskuntza elebiduna euskara-frantsesa zaie zabaldua. Errientsak dira Carole Bidegain frantses alorrean, zuzendari ere da, eta Christelle Lascaray euskararen sailean.

Topada fabrika

Karrikako arteak eta animazioak sortzen eta kudeatzen dituen egitura da Topada fabrika. Tokiko jendeari idekiak diren atelierak muntatuko ditu Bidarrain otsailaren 21etik 28ra. Argitasunak: info@topada.eus/06-58-82-23-92.

3821. zbk

Gure Hitza | 2026/02/12

Pantailen menpekotasunetik, demokraziaren arriskura

Ainhoa Etxenike

Duela bi aste, Asanblada Nazionalean onarturiko testuak 15 urtetik beherakoei sare sozialetara sartzea debekatzea aurreikusten du, Instagram, TikTok, Snapchat, Facebook edo X bezalako plataformetara. Helburu nagusia gazteenak eduki hunkigarri edo desegokien, ziber-jazarpenaren eta pantailen menpekotasunarekin loturiko gehiegikerien aurrean babestea da. Senatuak heldu diren hilabeteetan hartu beharko du erabakia. Onartzen bada, 2026ko irailean plantan ezarriko litzateke.

Datu ugari agertzen badira ere, 12-17 urteko gazteen erdiak egunean bere mugikorra 5 oren baino gehiagoz erabiltzen duela aurki daiteke. Egoera hunek gazteenak bereziki hunkitzen baditu, belaunaldi guziak dira tresna numeriko horren menpe. Izan ere, 10 frantsesetik 4k hiru oren baino gehiago pasatzen ditu pantaila baten aitzinean, eta 10etik 2k bost oren. Hainbeste denbora pantaila baten gibelean pasatzeak eragin zuzena du, ondorio fisiko,...

Irakurri segida

Gurekin harremanetan sar