Erretreta

Agiantzen eguna baliatu da Pascal Lagoute erretreta partiada ohoratzeko. 33 urtez lan egin du haurreri kirola eginarazten baita ere igeri egiten erakusten, heldueri ere. Auzapezak eskerrak egin diozka bere lanarentzat eta opariak eman. Idoiak ere opari bat egin dio, herriko enplegatuen partez. Pascalek eskertu ditu herria eta bere laneko lagunak, izigarri kontent dela erran du, ez duelako istripurik ukan. Igeri erakusle gisa, 35 urtez bazituen bi sasoin eginak igerilekuan, herriko enplegatu sartu aitzin. Suerte on zuri Pascal eta erretreta on osasunean zure familiarekin.

Ihauteriak

Otsailaren 14an larunbatarekin, gazteria ibiliko da auzoetako etxetan musikarekin, zuen borondate onaren biltzen. Igandean goizean eginen dute desfilea (11:00) gaztetxetik plazara, eta hor izanen dira dantzak Zazpiak Bat taldearekin, eta gero jendea Zanpantzarren inguruan elkartuko da, jujatu eta erretzeko.

Pilota

Esku-huska trinketean buruz-buruka: 2. mailan: Etxeberri Pacheco Manex irabazle 40-23 Zaharrer Segiren kontra. Iribarren Unai irabazle 40-18 Irisarriren kontra. Lecuona Aritz irabazle 40-19 Noizbait-en kontra. 3. mailan: Zozaya Eñaut galtzaile 21-40 Zaharrer Segiren kontra. 4. mailan: Elizalde Lauran galtzaile 18-40 Errenteriaren kontra. Etxabide Olazabal Beñat galtzaile 00-40 Goizeko Izarraren kontra. Iribarren Oihan galtzaile 01-40 Noizbait-en kontra.

Errugbia

Sarak irabazi du 29-00 Narrosen kontra.