Herriz Herri - Itsasu (L) | 2026ko Otsailaren 12a
"Parcoursup" urraspidea - Odol emaiteak - Ihauteriak
"Parcoursup" urraspidea
Herriko Etxeak bi permanentzia proposatzen ditu "Parcoursup" urraspidea egiten laguntzeko: bi ostiral arratsaldez, otsailaren 13 eta 20an (14:00-17:00), Herriko Etxean berean. Urririk eta izena eman gabe. Behar izanez gero, ordenagailua ekarri.
Odol emaiteak
Odola emaiten ahalko da bi arratsaldez heldu den astean, otsailaren 16eta 17an, astelehen eta asteartez (15:30-19:00), Sanoki gelan. Izen emaiteak: dondesang.efs.sante.fr.
Ihauteriak
Ihauteriak duela bi asteburu iragan dira jada, eta huna hirugarren eta azkena izanen dela asteburu huntan, larunbat huntan, otsailaren 14an, 9:00etan abiaturik, Kaskarotek auzo hauek kurrituko dituzte: Larraldea - Hiriberria - Plaza berri - Herriko Etxeko inguruak - Karrika nagusia - Plaza.
19:30etarik goiti, Atharrin da hitzordua! Hor izanen da dantza ikusgarria, Zanpantzarren auzia, txaranga eta ondotik kontzertuak Goxokin. Eta holaxe hetsiko da aurtengo ihauteri aldia!
