Durangoko magistratu batek Zaldibarko auzapez ohia Arantza Baigorri (EH Bildu) auzitegira deitzea deliberatu du. Arantza Baigorri 2018ra arte Zaldibarko auzapeza zen eta harekin batean, Herriko Etxeko arkitektoak eta idazkaria ere auzitegira deituak izanen dira.

Joan den otsailaren 6an sei urte bete dira Zaldibarko hondakindegian litatze erraldoia izan zela. Oroitzen gira ezbehar hartan Alberto Sololuze eta Joaquin Beltran langileak hil zirela. Geroztik, hainbat ikerketa eginak izan dira erantzukizun teknikoen eta politikoen argitzeko. Hau da, Zaldibarko hondamendiaren bide judizialak zabalik jarraitzen du. Besteak beste, “Verter Recycling” enpresa kudeatzaileko arduradunek ikerketapean segitzen dute.

EH Bilduk jakinarazi du “arduraz, gardentasunaz eta laguntza osoz lan egiten duela” Auzitegiarekin. Arantza Baigorriren alde agertu da eta auziaren azken hitza Bizkaiko Auzitegiak ukanen du.

2025ean, Araban, Bizkaian eta Gipuzkoan 37.683 lan-istripu gertatu ziren, hau da, 103 lan-istripu egunero. Gainera, 30 langile hil eta 183 zauritu larri izan ziren. Osalan Laneko Segurtasun eta Osasunerako Euskal Erakundearen arabera, zifra horien artean, lanaldiko ezbeharrak, in itinere (etxetik lanera joan-jinean) gertatuak eta erorketak zenbatzen dira. Lanaldian gertatu istripuak 31.712 izan ziren iaz, (-%6,8) nonbait han. Bestalde, in itinere istripuak 4.299 (-%4,2) izan ziren. Azkenik, Araban, Bizkaian eta Gipuzkoan 1.616 eritasun profesional berri zenbatu dituzte, hau da, 2024an baino %5 gehiago.

BBVA bankuak 10.511 milioi euroko irabazi garbia ukan zuen 2025ean, hots aitzineko urtearekin konparatuz %4,5 gehiago. Kopuru hori termino arruntetan hartua dela jakin behar da. Bestela erranik, dibisen inflazioaren eragina kontuan hartzen ez bada eta etengabeko aldaketa-tasa erabiltzen bada, BBVAren irabazien igoera %19,2koa izan zen joan den urtean. “Onura errekorra lortu dugu eta, berriz ere, hazkundea eta errentagarritasuna uztartzeko dugun gaitasunagatik nabarmentzen gara. Lan bikain hau balio-sorkuntza bikaina bihurtu da, gure akziodunei ordainsaria bizkortzeko aukera ematen diguna”, adierazi du Carlos Torres BBVAko presidenteak.

Berriz ere Donostia da Espainiako Estatuko hiriburu karioena etxebizitzaren erosteari dagokionez, Madril, Bartzelona, Palma eta Bilboren aitzinetik. Adituek azpimarratzen dute berritasun nagusia ez dela Donostia sailkapen horren buru izatea - hori hala baita aspalditik - baizik eta oraingoan, metro karratuak argiki gainditu duela 6.000 euroko balioaren maila.

Erregistratzaileen Elkargoak egiten duen Higiezinen Erregistro Estatistikaren arabera, batez beste metro koadroa 6.107 eurotan saltzen da gaur egun Donostian. “Idealista” izena duen webgune berezituaren atariko datuek aldiz, oraino gorago kokatzen dute batez besteko prezioa: 6.480 eurotan.

Erregistratzaileen Elkargoaren azterketa 2025ean gauzatu salerosketen datu ofizialetan oinarritzen da, eta azken datuak urteko azken hiruhilekoaren araberakoak dira.

Donostiaren gibeletik, Madril dago, hango higiezin ondasunek metro karratuko batez beste 5.238 euroko prezioa baitute. Bartzelona heldu da ondotik, metro...

Aroa Arrizubieta egungo txapeldunak eraman zuen Arabako Bertsolari Txapelketaren XVII. edizioa joan den larunbateko lehen saioa Oionen. Harekin batean, Felipe Zelaieta, Iñaki Viñaspre, Martin Abarrategi, Sabin Abarrategi eta Unai Anda ziren bertsulari deituak. Lehen faseak Laudion eta Izarran jarraituko du otsailean. Finala berriz Gasteizen jokatuko da, martxoaren 28an. Zehazkiago, otsailaren 15ean izanen da ondoko saioa, Laudion, eta otsailaren 21ean azkena, Izarran. Segitzeko, martxoko lehen asteetan finalaurreko saioak ospatuko dira. Azkenik, Gasteizko Europa Biltzar Jauregian jokatuko da finala martxoaren 28an.

Euskarazko sormena sustatzea xede duen Geuretik Sortuak egitasmoak lan argitaratu berriak aurkeztu ditu. Lau film labur, hamaika narrazio, zortzi antzezlan eta zazpi komiki izanen dira 2025-2026ko uzta. Ikus-entzunezkoetan, Alba LozanorenAho Beltza, Raul Barrerasen Bitartean, Aitor eta Izaro Arrutiren Mintzo zen eta Olatz Ovejeroren Ikusi Makusi lanak ditugu.

Bestalde, Hamaika irakurtzeko jaioak tituluaren pean, literaturaren arloan arizan diren 11 sortzaileren ipuinak atzeman daitezke, denak Ipar ala Hego Euskal Herriko herri batean egonaldia egin eta gero sortuak. Hala nola Bizkaian idazle-sorkuntza egin duten Miren Artetxek, Maitane Perezek eta Oier Guillanek, Atxondon, Gorlizen eta Aulesti, Amoroto eta Munitibarren hurrenez hurren. Beste hiru idazle izan dira Gipuzkoan: Maitane Nerekan Amasa-Villabonan, Peru Calabaza Ikaztegietan eta Saioa Iribarren eta Ander Basaldua Oiartzunen. Nafarroan berriz, Zigor Garro Goi...

1976ko martxoaren 3an Gasteizen izan zen bost langile grebalarien heriotzaren 50. urteurrena ospatzeko zenbait aste falta direla, Martxoak 3 elkarteak “Amets berriak” kantua aurkeztu du. Karmele Jaio idazlearenak dira hitzak eta kantaria Idoia Asurmendi izanen da.

Oroit heldu den martxoaren 3an mende erdia beteko dela Gasteizko Zaramaga auzoko Asisko San Frantzisko elizan Espainiako Polizia Armatuak langileen biltzarra hustu eta tiroz bost jende hil zituenetik. Hurrengo egunetan Espainiako estatu osoan egin ziren mobilizazio solidarioetan pertsona bana hil zuen Poliziak Basaurin (Bizkaia) eta Tarragonan (Herrialde Katalanak). Lluis Llach katalan olerkari eta kantariak Campanades a morts kantua eta izen bereko diskoa ekoitzi zuen Gasteizko martxoaren 3ko hilketen ondotik.