Herriz Herri - Bardoze (L) | 2026ko Otsailaren 26a
Bizitegi berriak - Etxez etxe
Bizitegi berriak
Herrian eraikiko dituzten COL izeneko bizitegiak salgai dira orain, eta interesatuek informazioak ukaiten ahal dituzte Interneten edo Herriko Etxean. Oroitarazteko, bost etxe garaje eta baratzearekin (4 T4 + 1 T5) eta sei etxebizitza kolektiboren bi unitate ttipi (2 T2 + 2 T3 + 2 T4) eraikiko dituzte.
Etxez etxe
Gure kaskarotak, Maskak eta musikariak etxez etxe ibili dira larunbat hontan, eta iduri du haien kantuek eta dantzek euria uxatu dutela! Herritarrek ederki errezibitu zuten taldea, hainbat matahami, bixkotx eta goxoki proposatuz, eta horregatik parte hartzaileek beroki eskertu nahi dituzte Hegixipia, Zuhaztia, Ürrüti, Portantinea eta Halgaxuri etxeetan bildu ziren jende guziak.
Itzulia segituko dute heldu den larunbatean, eta agian eguzkia berriz aterako da!
