Ihauteriak

Otsailaren 14an larunbatez eta 15ean igandez gintuen Saran. Larunbatean gazteria ibili da auzoetan etxe etxe, igandean haurrak eta helduak denak mozorrotuak egin dituzte gauza pollitak plazan, musikarien soinu ederrekin. Ondotik Zanpantzar jujatu eta erre dute alegrian, bazen jende asko, plaza ongi betea zen, denborak ere lagundu ditu, baziren taloak eta edatekoa. Aurtengoak ere pasatu dira beti bezala umore onean.

Herriko mezua

Sarako herriak baluke igeri irakasle baten beharra. Pascal Laguoute erretretara joan da eta hori ordaintzeko, errearotik buruila hondarra arte, 4 hilabete herriko enplegatu bezala hartua izanen da. Hortako, behar dira diplomak bai eta ere karta profesionala, xehetasun gehiagorentzat deitu Herriko Etxea 05-59-54-20-28. Hautagaitza mailez igorri behar da martxoaren 15a aitzin: direction@sare.fr.

Elizako berri

Katixima: martxoaren 11n Azkaingo elizan (9:30-11:00) lehen barkamendua CE2 haurrentzat.

Martxoaren 18an asteazkenez beila Lurderat CM1 et CM2 haurrekin, katixima egileek lagundurik, apezak eta burasoekin.

Hilabete guziz, meza bat ematen da zahar etxeetan, Sarakoan martxoaren 12an ortzegunez (15:30).

Zangoak Arin

Martxoaren 5ean, elkarteak eginen du biltzar nagusia (10:00) Lur Berri gelan, ondotik hor bertan bazkaria, Arka ostatuak prestatua. Parte hartu nahi baldin bada, deitu 06-16-84-20-86ra otsailaren 27a aitzin.

Pilota

Esku-huska trinketean buruz-buruka: lehen mailan: Iribarren Unai irabazle 40-23 Abarratiaren kontra. 2. mailan: Etxeberri Pacheco Manex irabazle 40-31 Oztibarreren kontra. Lecuona Aritz galtzaile 36-40 Urruñaren kontra. 3. mailan: Zozaya Eñaut galtzaile 26-40 Oztibarreren kontra. 4. mailan: Elizalde Lauran galtzaile 26-40 Urruñaren kontra.