Herriz Herri - Izturitze (NB) | 2026ko Irailaren 17a

Ezkontza, Artetxean jarduearak berriz abiatzen eta Herriko bestak

Ezkontza

Irailaren 12an ezkondu dira Camille Etchemendy Eiheraxaharreko alaba eta Thibaut Mocoeur La Rochelle hirikoa, Herriko Etxean eta ondotik elizan, elgarri eman baia finkatu dute, familiako Cornu apezaren aitzinean. Gertakaria, Bastidako “Inessa de Gaxen” herriko gelan ospatu da airoski.

Camillek erizain ikasketak Bordelen eginik, La Rochelle-eko ospitalean baitu lana, han bizitzekoak dira. Goresmenak ezkont berrieri, bizitza zoriontsuaren agiantzekin.

Artetxean jarduearak berriz abiatzen

Lehenik orroitarazten dugu aktibitate guziak euskaraz egiten direla. Hatha Yoga kurtsoak asteazkenetan dira (18:30-19:45). Adin eta maila guzietako jendeeri idekiak dira. Praktikak: malgutasuna, indarra, oreka eta kontzientzia garatzen laguntzen du. Entsegu kurtsoa kitorik da. Behar den materiala: tapiza bat eta estalki bat. Xehetasunentzat: aranayoga108@gmail.com - 06-26-87-25-62.

SISTEMAArte Marzial kurtsoak astelehen guziz dira: indarketa saioa (18:00-19:00) eta sistema arte marziala (19:00-20:30). Entsegua urririk. Xehetasunentzat: 06-88-67-49-94

Herriko bestak

Urriko lehen asteburuan iraganen direnak hurbiltzen ari direlarik, herriko gazteek jakinarazten digute usaiako eskearen egiten ibiliko direla larunbatetan.

Lehen urratsak, ilusioz eta arduraz

Irati Esparza Guimon

Lehen aldia dut gaur “Gure hitza” idazten, eta lerro hauek baliatu nahi nituzke nire burua laburki aurkezteko, baina bereziki eskerrak emateko. Irati Esparza Guimon naiz, eta Herria astekariko erredaktore-buru eta kazetari kargua hartu berri dut.

Abentura berri honi ilusio handiz ekiten diot, badakidalako Herria ez dela astekari soil bat: hamarkadaz hamarkada, Ipar Euskal Herriko berriemaile, lekuko eta oroimen izan den hedabidea da, gure herrietako ahotsak bildu eta euskaraz zabaltzen dituena. Horrelako historia duen aldizkari baten segida hartzea ohore handia da niretzat, baina baita ardura handia ere.

Lehen egun hauetan, jadanik, Herria bizirik atxikitzen duten pertsona anitz ezagutzeko parada izan dut. Horregatik, bihotzez eskertu nahi ditut harrera egin didaten lankideak, kolaboratzaileak, berriemaileak eta astero beren ekarpena egiten duten guztiak. Zuen laguntza, aholkuak eta pazientzia ezin preziatuagoak zaizkit lehen urrats...

Irakurri segida

Gurekin harremanetan sar