Zentro soziala

Aitzin hortan herriko zentro soziala elgarretatu da Herriko Etxeko gelan eta horra zer bozkatu den: Astelehenetik ortzilarera partitzen den jende adinekoen bazkariaren prezioak emendatu dira: 6,80€-ren ordez 7,50€. Orain ttikiena 7,50€-tan izanen da eta handiena 11,50€-tan. Jende horiek pagatuko dute beren irabazien arabera eta urte guziz beharko dute presentatu beren inposetako ageria Herriko Etxean. Bazkari hori ukaiteko 65 urte beteak izan behar dira edo medikuaren ageria osasunean ez bada. Mementoan, 23 pertsonak baliatzen dute.

Adinekoen ateraldia

Urte guziz bezala herriko kontseiluak antolatzen du erretretatuen ateraldia. Aurten urriaren 7an, asteazkenez, iraganen da. Abiatzea igerilekuko aparkalekutik eginen da (8:00), gosaria Izpegi lepoko gaineko bentan, gero Ortzaizeko Arnabar bisitatu eta bazkaria Arrosako Kattina jatetxean. Bueltan, herriko edantegian azken tragoa hartuko da, bestetako gazteriak eskainirik. Zuen izenak eman urriaren lehena aitzin, Herriko Etxea deituz 05-59-54-20-28. Zuen bila etortzeko norbait behar baduzue, izena ematean egin galdera. Etorri ahal duzuen guziak egun goxo baten pasatzerat, denak elgarrekin.

Errugbia

Heldu den igandean hasiko da aurtengo sasoina, Bidarteko taldearen kontra, Saran. Hirugarren mailatik bigarrenerat pasatu dira, ikusiko zer eginen duten, agian gan den urtean bezala.