Kataluniar nazioaren besta den Diada egunez, EAJ eta EH Bildu euskal alderdi abertzaleek Kataluniaren eta Euskal Herriaren “nazio izaera” aldarrikatu zuten, eta ziurtatu Espainiako Estatuak duen “nazio aniztasunaren aitortza egitea” ezinbestekoa dela aitzina segitzeko. Euskadi Buru Batzarreko lehendakaria den Aitor Estebanek Euskal Herria “martxan dagoen herria gara, Europarekiko bokazio argia duena”.

Bere aldetik, EH Bilduko ordezkariek ere egin zuten lore eskaintza, Bartzelonan. Diadan izan ziren Mertxe Aizpurua Espainiako Kongresuko eleduna, Laura Aznal Nafarroako Parlamentukoa, Idurre Bideguren Senatuko eledun-ordea eta Eba Blanco Eusko Alkartasunako idazkari nagusia. Aizpuruaren ustez, Espainiako eskuin muturraren uholdeari ihardukitzeko “Estatuaren errealitate plurinazionala aitortzea eta bermatzea da bide onena”. Bestalde, Kataluniak eta Euskal Herriak “beren etorkizuna libreki erabakitzeko gaitasuna defendatzen dugu” gehitu zuen.

EH Bildu...

Euskal Autonomia Erkidegoko osagarri zerbitzu publikoetako medikuek haien arautegi propioa eskatzen segitzen dute. Hain justu, osagarri zerbitzu publikoetako langile guzien oinarrizko lan baldintzak arautzen dituen horretatik haratagoko bat nahi dute. Urte hastapenean egun bakarreko grebak eta mobilizazioak egin zituzten, gero astebeteko grebak, eta orain greba mugagabea deitu dute.

Eusko Jaurlaritzak medikuen lan baldintzak hobetzea hitzartu zuen SME Euskadiko Sendagileen Sindikatuekin. Besteak beste, hilabete sarien hobetzea, guardien ereduaren berrikustea -halakoak egiteari uzteko adina apaltzea eta horiek egiteagatik diru gehiago jasotzea- eta beste... Beraz, urriaren 28tik goiti, mugagabeko lanuztea hasiko dute.

Haien aldetik, Eusko Jaurlaritzak SMErekin lortutako akordioak Osakidetzako beste sindikatuen eta langileen haserrea piztu du. Sindikatuek Eusko Jaurlaritzari eskatu diote langile guzien lan baldintzak hobe ditzan, ez medikuenak bakarrik. Hori dela eta,...

Guggenheim museotik Euskalduna jauregira milaka jendeek manifestaldia egin zuten joan den ibiakoitzean Bilbon, “Argia eta Indarra Kubarentzat” izena duen kanpainarekin bat eginik. Manifestaldiaren xedea Kubak jasaiten duen setio egoera jasanezina da. Bestalde, elkartasun kanpainak Kubako ospitaleetan eguzki plakak eman ahal izateko diru biltzea du helburu. Euskal kulturako 130 ordezkarik sostengatu dute kanpaina: Anari Alberdik, Itziar Ituñok, Aitziber Garmendiak, Ines Osinagak, Katixa Agirrek, Joseba Sarrionandiak, Bernardo Atxagak, Fermin Muguruzak edota Eñaut Elorrietak, besteak beste. Euskadi Kuba elkarteak jakinarazi duenez, Habanako William Soler ospitale pediatrikoan lehen moldaketak egin ahal izan dituzte. Kuba ezaguna da hango osagarri langileen prestakuntza ezin hobeagatik eta osagarri zerbitzuen kalitateagatik. Manifestazioaren antolatzaileek jakinarazi zuten gaur egun Kuban haurren heriotza tasa %148 handitu dela. Setioa dela eta, beharrezko erremedioen herena...

Hiru urte guziez OCDE Ekonomia, Lankidetza eta Garapenerako Erakundeak egiten duen PISA azterketan Hego Euskal Herriko ikasleen emaitzak beheititu dira. PISA azterketak hiru alorretan duten gaitasuna ebaluatzen du: matematikan, zientzietan eta irakurmenean. Hiruretan apaldu badira Hego Euskal Herriko ikasleen emaitzak, irakurketa etsaminetan izan dira emaitzarik txarrenak. Hain zuzen ere, Araba, Bizkaia eta Gipuzkoako ikasleek, 419 puntu lortu dituzte, aitzinekoan 466 izan ziren. Ohargarri da eskolan zenbat eta denbora gehiago eman pantailen aitzinean, orduan eta emaitza kaskarragoak eskuratzen dituztela ikasleek. 2009az geroz, Espainiako Estatuko autonomia erkidegoen artean, EAE, Nafarroa eta Katalunia ziren eskoletan digitalizazio maila handiena zutenak. Azpimarratzekoa da haiek direla PISA txostenean beheranzko nabariena izan dutenak. Horiek horrela, irakaskuntzako adituen eta sindikatuen artean, analogikora itzultzeko beharra aipatzen hasi da. Bere aldetik, Eusko Jaurlaritzako...

Nazi ikur eta mezu mehatxagarriez beteak ziren hainbat tindaketa agertu ziren joan den astean Lekunberrin, Irurtzunen, Leitzan eta Iruñean. Gazteleraz idatziak ziren, euskaldunen eta LGTBI kolektiboaren kontrako mezuak zituzten eta eskuin muturrak erabiltzen ohi dituen hainbat ikur eta aldarriak zituzten lauetan.

Espainiako armadako buru zen Beorlegi koronelak gidaturik, 1936ko irailaren 13an Francoren aldeko tropak Errenterian sartu zireneko oroimen ekitaldia egin zuten joan den astean. Karia horretara, herriko merkatuko sartzean murru tindaketa bat egina izan da. Horretan Espainiako gerla zibilaren ondoko errepresioa oroitarazten da. 1936an 9.000 biztanle ziren Errenterian. Haietan kasik 900 gizon abiatu ziren frentera miliziano ala gudari gisa. 99 jende hil ziren gerlan eta auzirik gabeko 29 fusilaketa gertatu ziren. Gerla epaiketetan bestalde, 20 jende heriotzara zigortuak izan ziren eta haietatik 8 exekutatu zituzten. Azkenik, Errenteriako biztanle anitzek ihes egin behar ukan zuen bizia salbatzeko, haietan 154 haur erbestera igorriak izan ziren gerlatik gerizatuak izateko.

Euskal Herriko Bertsolari Txapelketa irailaren 19an hasiko da Hazparnen. Txapelketako lehen aldian zazpi saio izanen dira. Saio bakoitzeko irabazlea hurrengo fasera iraganen da zuzenean. Finalaurrekoa berriz, puntu gehien lortzen zuten bertsolariekin osatuko da, jakinez 2022ko zazpi finalistak han izanen direla zain. Hain zuzen, 2022ko txapelketarekin alderaturik, sei bertsolari gehiago ditu aurtengoak: Arabako bi, Nafarroako bi eta Xilabako bi. Ondorioz, saio bat gehitu zaio txapelketari, eta lehen fasean sei saioren ordez zazpi izanen dira. Zazpi saio horiek Euskal Herriko zazpi probintzietan jokatuko dira. Saioaren ondotik, bertsoaldiak bertsoa.eus-en ikusgai emanen dira. Larunbateko saiokoak astelehenean eta igandekoak asteartean. Horrez gain, lehen faseko saioak oso-osorik ikusteko parada ere izanen da ondotik, ETB ON katean. Behin lehen fasea iragan eta, saio guziak zuzenean emitituko dira. Finalaurrekoak ETB 1 ON katean eta finala ETB 1en.