Herriz Herri - Ahetze (L) | 2017ko Ekainaren 08a

Omenaldia: Txomin Ezponda

Panpili

Ekainaren 11n, Ahetzeko "Herritarren hitza" elkarteak eta Bertsularien Lagunek antolatzen dute omenaldi bat Txomin Ezponda bertsulariari.

Ekainaren 11n, Ahetzeko "Herritarren hitza" elkarteak eta Bertsularien Lagunek antolatzen dute omenaldi bat Txomin Ezponda bertsulariari. Goizeko 11k eterdietan hasiko da omenaldia, ondotik zintzur bustitzea. Oren batean bilduko gira mahainera zikiro on baten jateko (prezioa 23€). Bazkalondoan entzunen ditugu Uhabia ikastolako haurrak, Txominen bertsulari lagunak eta Pantxoa Carrère kantariaren kantu politak. Kiki Borda ere hor izanen da bere musikarekin, denak omore onean kantuz arrarazteko. Bazkaltzeko izena eman nahi dutenek deitu telefonoz 06.06.93.03.50.

Herriz Herri - Ahetze (L) | 2017/06/08

Komunioneak

Panpili

Uhabiako Jondoni Joanes Batista parropiako lau herrietako 22 haurrek errezebitu dute lehen komunionea maiatzaren 28an, Ahetzeko elizan.

Irakurri segida

3404. zbk

Bere iraganean jasana ahanzten duen populuak berriz ere jasan beharko du.

Winston Churchill

Gure Hitza | 2017/06/08

Zoin pollita!

Janbattitt Dirassar

"Zinez pollita da, biziki pollita!" Nor da hola mintzo eta zertaz mintzo ote da, edo nortaz?

"Zinez pollita da, biziki pollita!" Nor da hola mintzo eta zertaz mintzo ote da, edo nortaz? Hola mintzo dena, eta gauza bera errepikatuz nik dakita zonbat aldiz zonbait hilabete barne, hola mintzo dena da Thomas Pesquet frantses kosmolari gaztea - 39 urte otsailean beteak - sei hilabete eta erdi ibili dena Lurretik lau ehun bat kilometrotan, alde bat itzulika eta zernahi ariketa balios eginez, ISS zeru-ibilgailu famatuan zegoela... Handik igorri ditu guzien xoragarri Lurraren argazki miresgarri ainitz eta ainitz! Eta beti solas berak, azpimarratuz Lurra izugarri polita dela espaziotik behatzen zaiolarik ere, polita baino politagoa azkenean, hitzak ere eskasten nolakoa den xuxen kontatzeko... Irudiek ba denen buru prediku ederrenek baino indar gehiago... Holako ibilaldiak egin dituzten beste kosmolariek ere ez dute funtsean besterik erran, Lurra dela ohantze arraro baten parekoa, altxor bat ezin aski preziatua, mugarik gabekoak iduri duten eremu ilun lotsagarrien erdian galdua...

Irakurri segida

PDFa jaitsi