Fedearen Aitormena

P.U.

Komuniantak_%20Xalbat%20Berterretcherekin — Komuniantak, Xalbat Berterretcherekin

Ederki iragan da Fedearen Aitormena Lekorneko eliza bete-betean.

Ederki iragan da Fedearen Aitormena Lekorneko eliza bete-betean. Bai, gure 22 haurrak apaindura xuritan ziren, oro berdin. Bainan halere bistan da oro desberdin dela, halere aberasgarri bakotxarentzat! Argazkian: Mailen Errecart, Guillema Belchit, Naia Errecart, Amaia Haramboure, Ximun Haramboure, Andoni Mastoumecq, Fabien Faizon, Gilen Martinon, Kattin Saint-Esteben, Solène Ouret, Miren Urgorry, Coralie Pagadoy, Laura Elisseiry, Maëva Pourrut, Elorri Duhart, Lisa Urruty, Mikela Dubois, Naia Amestoy, Joan Beloscar, Yoann Dermit, Xalbat Duhalde, Eneko Mongabure. Beraz segi dezatela ukan dohainen ongi baliatzen, beti elgar lagunduz, haur eta gazte denbora ongi iragan dezatela, eta horrela naiz segur helburua ezin hobea ukanen dutela!

3404. zbk

Bere iraganean jasana ahanzten duen populuak berriz ere jasan beharko du.

Winston Churchill

Gure Hitza | 2017/06/08

Zoin pollita!

Janbattitt Dirassar

"Zinez pollita da, biziki pollita!" Nor da hola mintzo eta zertaz mintzo ote da, edo nortaz?

"Zinez pollita da, biziki pollita!" Nor da hola mintzo eta zertaz mintzo ote da, edo nortaz? Hola mintzo dena, eta gauza bera errepikatuz nik dakita zonbat aldiz zonbait hilabete barne, hola mintzo dena da Thomas Pesquet frantses kosmolari gaztea - 39 urte otsailean beteak - sei hilabete eta erdi ibili dena Lurretik lau ehun bat kilometrotan, alde bat itzulika eta zernahi ariketa balios eginez, ISS zeru-ibilgailu famatuan zegoela... Handik igorri ditu guzien xoragarri Lurraren argazki miresgarri ainitz eta ainitz! Eta beti solas berak, azpimarratuz Lurra izugarri polita dela espaziotik behatzen zaiolarik ere, polita baino politagoa azkenean, hitzak ere eskasten nolakoa den xuxen kontatzeko... Irudiek ba denen buru prediku ederrenek baino indar gehiago... Holako ibilaldiak egin dituzten beste kosmolariek ere ez dute funtsean besterik erran, Lurra dela ohantze arraro baten parekoa, altxor bat ezin aski preziatua, mugarik gabekoak iduri duten eremu ilun lotsagarrien erdian galdua...

Irakurri segida

PDFa jaitsi