Leader Euskal Mendia programak abian jarririk, Euskal Elkargoak "Elgarrekin-Mugitu-Plazara" tokiko ekimen trofeoen 1. edizioa antolatzen du.

Leader Euskal Mendia programak abian jarririk, Euskal Elkargoak "Elgarrekin-Mugitu-Plazara" tokiko ekimen trofeoen 1. edizioa antolatzen du. Euskal mendiko lurraldean gizarte lotura (bir)sortzen duten eragileak sarituko dituzte trofeo hauek. Ekimen deialdia ekainaren 30a arte idekia zaie trofeo hauen alde lehiatu gogo duten eragileeri. Sari banaketa 2017ko abenduan eginen da. Elkarbizitza laguntzea, bakartasun sozialaren kontra borrokatzea, belaunaldien arteko harremanak garatzea, biztanleen arteko elkartasun berriak sustatzea, tokiko bizian nor bakoitzaren parte hartzea errextea... hauek ditugu Leader Euskal Mendia programaren bidez, Euskal Elkargoak À¢'€'" Euskal Herriko Biltzarra, Pirinio Atlantikoetako Departamendua, Euskal Herriko Garapen Kontseilua eta Euskal Monetarekin partaidetzan À¢'€'" antolatzen duen trofeo horien helburuetako batzuk. Etekin edo beneÀ¯'¬'zio xederik gabeko erakunde orok hautagaitza aurkeztu dezake, izan elkarte, herri, erakunde publiko (eskola, kolegio, zaharretxe, etab.) edo biztanle kolektibo, Euskal mendiko lurraldean (erran nahi baita Euskal Herriko 111 herrietan) 2016 eta 2017ko urriaren artean burututako egitasmo bat aurkeztuz, baldintzak betetzen diren ber. Horretarako, www.initiatives-plazara.eus gunean deskargatuko den hautagai À¯'¬'txa bete behar da. Komunikazio zabala eginen da tokiko ekimen desberdinak balioan ezartzeko eta bultzatzeko. Epaimahai batek egitasmo irabazleak izendatuko ditu eta publikoak linean bozkatzen ahalko du. Sari banatze ekitaldi bat antolatua izanen da 2017ko abenduan, partaide desberdinekin eraman eztabaidaldi garrantzitsu baten karietara. Sariak, 200€ eta 1.000€-ren artekoak izanen dira egitasmoka. Azpimarratu behar da ere egitasmo hau Euskal Elkargoaren baitan mendiaz arduratzen den Battitt Laborde-Lavignette kontseilariak eramaten duela.