Herriz Herri - Uztaritze (L) | 2017ko Ekainaren 08a

Koadrila eguna Tolosan

Ekainaren 16tik 25era ospatuko dira san Joanak edo Tolosako bestak.

Ekainaren 16tik 25era ospatuko dira san Joanak edo Tolosako bestak. Uztaritzeko senidetza elkarteak aitzineko urtetan bezala antolatzen du ekainaren 17an koadrila egun hortara joaiteko autobusa. Egitaraua honelakoa izanen da: - abiatzea Uztaritzetik (Lapurdi zentrotik) goizeko 10:00etan; Tolosara heltzea 11:00ak aldera eta poteo batekin hasiko dena; - 14:00etan koadrilen herri bazkaria Euskal Herria plazan, ''GUK EDARIA ZUEK BAZKARIA'' bertan mahainak, kaderak eta edariak proposatuak dira, bakotxari doakio piknikatzeko jatekoa ekartzea; - ondotik karriketan animazioak, merkatuak, kontzertuak, arratsaldea goxoki iragaiteko eta bukatzeko. Parte hartzaileeri 20 euroko ekarpena eskatua da autobus, tixerta eta bazkariko tokiarentzat. Izenak eman behar dira ekainaren 8ko telefono huntara: 06 37 74 97 40; zenbaki berera xehetasun gehiagorentzat. Ongi etorri deneri.

Herriz Herri - Uztaritze (L) | 2017/06/08

Egun aldatze

Ohiduraz ekaineko hirugarren igandean Haltsuko kermezaren eguna izaiten da eta laugarrenean Uztaritzekoa.

Irakurri segida

Herriz Herri - Uztaritze (L) | 2017/06/08

Helduentzat ateraldi

''Oihanaren adixkideak'' elkartearekin partaidetzan, CCAS edo herriko ekintza sozialen zentroak ateraldi bat antolatzen du jende helduentzat ekainaren 22an arratsaldeko 14:00etarik goiti.

Irakurri segida

Herriz Herri - Uztaritze (L) | 2017/06/08

Kontseiluko biltzarra

Juan den ortzegun arratsean iragan da luzeegia izan gabe.

Irakurri segida

3404. zbk

Bere iraganean jasana ahanzten duen populuak berriz ere jasan beharko du.

Winston Churchill

Gure Hitza | 2017/06/08

Zoin pollita!

Janbattitt Dirassar

"Zinez pollita da, biziki pollita!" Nor da hola mintzo eta zertaz mintzo ote da, edo nortaz?

"Zinez pollita da, biziki pollita!" Nor da hola mintzo eta zertaz mintzo ote da, edo nortaz? Hola mintzo dena, eta gauza bera errepikatuz nik dakita zonbat aldiz zonbait hilabete barne, hola mintzo dena da Thomas Pesquet frantses kosmolari gaztea - 39 urte otsailean beteak - sei hilabete eta erdi ibili dena Lurretik lau ehun bat kilometrotan, alde bat itzulika eta zernahi ariketa balios eginez, ISS zeru-ibilgailu famatuan zegoela... Handik igorri ditu guzien xoragarri Lurraren argazki miresgarri ainitz eta ainitz! Eta beti solas berak, azpimarratuz Lurra izugarri polita dela espaziotik behatzen zaiolarik ere, polita baino politagoa azkenean, hitzak ere eskasten nolakoa den xuxen kontatzeko... Irudiek ba denen buru prediku ederrenek baino indar gehiago... Holako ibilaldiak egin dituzten beste kosmolariek ere ez dute funtsean besterik erran, Lurra dela ohantze arraro baten parekoa, altxor bat ezin aski preziatua, mugarik gabekoak iduri duten eremu ilun lotsagarrien erdian galdua...

Irakurri segida

PDFa jaitsi