Eskubaloia

Nazional 2 mailan, 1. taldeak 22/26 galdu du Hendaiaren kontra, partida guzian ongi ihardukiz, bainan hondarrean amor eman behar ukan du. Partida hau departamenduko derbiaren kontu zen.

Neskek Frantziako koparen kontu, erregional mailan 22/19 irabazi du Oloron Luck de Bearn taldeari.

Balentria ederra, ozka bat gorago baitira.

Kanbo-Irisarri 2. taldeak ere 33/32 irabazi du Bosdarros-eko ekipoaren kontra.

Heldu den larunbatean gizonen 1 taldeak, nazional 2 mailan, Limoges errezebituko du (19:00). 2. taldea Assonerat joanen da (19:00).

Frantziako xapelgoaren kontu 18 urtez petik den Irisarri-Atharratze taldea Billeren ariko da (14:00)

Kanbo-Irisarri, nesken 1. taldea, Nafarroaren kontra ariko da (21:00).

Liburu berri

"Hitza hezi bihotza hazi" Xan Errotabeherek bere liburu berria presentatuko du azaroaren 26an larunbat goizean (10:30), Ospitalean. Autorea hor izanen da bere liburuaz hizkatzeko, liburuak kondatzen ditu gizaldiz-gizaldi, ahozkoz zabaldu Euskal Herrian gertatu istorio eta ipuinak.

Sartzea urririk da eta euskaraz, jende heldu guzieri idekia.

Hazkurri Bankua

Aitzineko urtetan bezala, behartsuentzat, Hazkurri Bankuak, larunbatean 26an, emaitzak bilduko ditu, Postako bulego ondoan. Ahal duenak ekar ditzake kontserbatzen diren janariak: irrisa, pasta, olio, kontserba eta beste, berdin haurrentzat baliatzen ahal diren jateko eta artatzeko gauzak ere. Aitzinetik eskerrak.