Azkenean, orain duela lau urte hasitako eskulana bukatu dute! Covid-a pasa zaie tartetik, dakigun traba guziekin.... Denbora pasa da eta aurten eskuak martxan ezarrita, denen artean lortu dute "lau urtaro" obra bukatzen... 2.000 ponpoi inguru egin behar ukan dituzte, haien sorkuntza osatzeko, kasik kolore guziak baliatu dituzte eta nahasketa frango ere, haien biziak ekartzen dizkieten nahasmenak bezala.

Lau sasoiak: 1.000 kolore eta hainbeste sentimendu eta bizipenak, gure nerabeek kolegio honetan bizi eta gainditzen dituzten etapak bezala, heldutasunerako eta aitzinera joateko! Hor dugu orain begipean esku anitzek egindako obra, begiak goxatzeko eta etorriko den negua apaintzeko.

Milesker parte hartu duten guziei, lan honi esker pasa dituzten momentu atsegin guziei.

Aupa esku lanak! Txalo bero bat haien maisua izan den Iolandari! Segi dezagun gure kolegioa biziarazten eskuz esku!

Omiasainduko oporretara joan aitzin, Uztaritzeko San Josepe lizeoko 1. eta terminaleko ikasle elebidunak Gipuzkoara joan ginen, bi egunez euskaraz bizitzera.

Bidaia Pasaiako Albaola museoan hasi zen, zeinetan San Juan baleontziaren eraikuntza deskubritu ahal ukan genuen.

Segitzeko, Orion Euskal Herrian lasterketa-ontzi bihurtutako treineruen estrukturak bisitatu ondotik treineru kirola zer den ezagutu genuen. Hain zuzen ere, profesional batzuekin treineru iniziazioa egiteko xantza ukan genuen.

Bukatzeko, Getariako Balenciaga museo ospetsuaren bisita egin genuen, jantzien pertsonalizatze eta birziklatze tailerrarekin bururatu aitzin. Honetan tixerta batetatik abiatuz zaku bat sortu behar ukan genuen. Aktibitate horiei esker gure kontsumitzeko manerari buruz gogoeta sakona ereman genuen (slow fashion vs fast fashion).

Bi egun horietan bisitetatik Alberteraino, dena euskaraz bizitzea, euskalki berriak deskubrituz biziki aberasgarria izan zaigu.

Jean-Pierre Mendiburu, gazte denboratik, izpiritu bizi eta xorrotxekoa, bertsugintzari lotu zen belaunaldi bereko Ernest Alkhat eta Joanes Arrosagarai gazte lagunekin. Laster trebatu ere bertze bertsulari on frangorekin saioetan parte hartuz. Iparraldeko bertsulari guziekin ibili zen denbora hartako saio garrantzizkoenetan. Hegoaldeko bertsulari gehienekin kantatzeko parada ere ukan zuen, Iparraldean ala Nafarroan, Gipuzkoan eta Bizkaian.

Gaitzeko errextasuna bazuen bat-batean bertsuen asmatzeko eta kantatzeko, beti neurtitz edo errima aberatsekin. Doinu zailak eta luzeak ere ongi menperatzen zituen. Bazakien Mattin eta Lazkao Txiki zenek bezala irri eginarazteko zirtoen botatzen eta jendeari gustatzen zaion bezala alai agertzen. Horrez gain, Xalbador zenaren ildo beretik, euskaraz pentsatua biziki untsa landu euskara garbian kantatzen zuen, nehondik ahalaz erdarakadak baztertuz. Gutien ustean baliatzen zituen bakan entzuten diren euskarazko hitz, aditz eta izen lagunak....