Herriz Herri - Bardoze (L) | 2022ko Azaroaren 24a
Emazteen nazioarteko astea kari
Emazteeri egin bortizkerien kontrako borroka nazioarteko astearen kari, Bardozeko herriak, Euskal Elkargoak eta "Erran eta Bizi" elkarteak batera, deneri zabalduak zaizkien aktibitateak antolatzen ditu, azaroaren 26an larunbatez (9:00) eta 27an igandez (17:00), urririk. Bi egun horietan autodefentsa, yoga, Meuf'In taldearen kontzertua, zine-eztabaida, Déesse Padma tailerra, Evidanse taldearen ikuskizuna proposatuak dira. Jateko eta edateko izanen da. Bestalde Bastidarrak enpresak esne-goxokiak eta Pressoir du Pays Basquek fruitu jusak, kitorik eskainiak ere dastatzen ahalko dira.
Animazio guziak ezkerparetan eta zinema gelan iraganen dira.
