Herriz Herri - Donibane Garazi (NB) | 2026ko Agorrilaren 06a

Gaga gaztetxea - Bestak - Zitadelan antzerkia

Suhiltzaileen%20kaserna%20ohia%20Garaziko%20Gaztetxe%20berria%20(Arg:%20Irulegiko%20Irratia) — Suhiltzaileen kaserna ohia Garaziko Gaztetxe berria (Arg: Irulegiko Irratia)

Gaga gaztetxea

Jadanik zenbait denbora hauetan Herriko Etxeari egoitza baten ukaitea galdegina zitzaion. Joan den astean gazteek duela hogei bat urte hetsia zen Continental hotela okupatu zuten. Ondorioz Laurent Inchauspe auzapeza gazteekin harremanetan sartu da, negoziatu eta, lehengo suhiltzaileen kaserna proposatua izan zaie, Euskal Elkargoa da jabea, kudeaketa aldiz Herriko Etxearen gain da. Epe laburreko hitzarmena da adostua izan, buruilaren 22a arte. Herriko Etxea eta Euskal Elkargoa elkartuko dira ikusteko zer segida eman.

Bestak

Agorrilaren 14tik 16ra iraganen dira, gazteriak 4 egunez animazio desberdinak proposatzen ditu. Karia horretara agorrilaren 15ean, eguerditan Luisenian pintxo salmenta iraganen da, etekinak Harrera elkartearentzat izanen dira.

Zitadelan antzerkia

Aurten 11. aldikoz Zitadelan hiru arratsez antzerkiak proposatuak izanen dira (21:00). Agorrilaren 19an Marcel Pagnol-en “Marius” obra, biharamunean “Lisa” Nicolas Duvort-ek idatzia eta azken egunean Mélanie Viñoloren “Blanche”. Ikusgarriak hasi aitzin han berean jateko posibilitatea izanen da. Txartelak salgai han berean edo turismo bulegoan.

90 urte

Menane Oxandabaratz

Duela 90 urte, langileen greba mugimendu handi baten ondorioz Front Populaire koalizioak bozkatu zuen bakantzak ordainduak hartzeko dekretua. Langileen gehiengo batek lehen aldiz lanera ez joaitea gozatu zuen, toki batzuen ezagutzeko parada emanez. Tren txartelak prezio apalean, milaka langile itsasora buruz abiatu ziren, ordu arte aristokrata eta burges eliteen guneak zirela, populazio xumeak ere dastatzeko aukera ukan zuen.

Bigarren Mundu Gerlaren ondotik bakantzetara joaiteko ohidura hedatuko da. Langileak lanaren akidura sendotzeko eta airea hartzeko, denbora librearen garrantziaz konturatuko dira, etxetik abiatzearen ondorio onak biziko dituzte. Langile horien libertitzeko turismoaren ekonomia garatuz joanen da: haurrentzat koloniak, kanpalekuak, ostatuak... eta aisialdi guneak muntatuak izanen dira.

Turismoak, bereziki gureak bezalako guneetan arrakasta handia du....

Irakurri segida

Gurekin harremanetan sar