Donostiako Udalak afari solidarioak debekatu eta biharamunean, Kaleko Afari Solidarioak kolektiboak mobilizazioa antolatu du hiriko plaza eta karriketan. Herritar andana elkartu da usaian afariak banatzen diren Konstituzio plazan, ilunabarreko 8etan, “afaltzea ez da delitua” aldarrikatuz. Karrikan bizi diren 300 pertsona baino gehiago jan gabe gelditu direla ohartarazi dute, eta erabakia sustatu duten alderdiak seinalatu dituzte, “PNV, PP, PSOE = VOX” zeraman pankarta erakutsiz.

Hiru eskakizun zehatz egin dizkiote Udalari, lehena: debekua kentzea, erakundeek nehor kanpoan utziko ez duen egiazko alternatiba bat antolatu arte; bigarrena: “migrazioa eta delinkuentzia” lotzen dituzten aipamenik ez gehiago sustatzea; hirugarrena: herritarren ekimen solidarioak ez mespretxatzea eta ez kriminalizatzea.

Ondotik, uztailaren 30ean, KAS plataformako eta Donostiako Udaleko ordezkariek bi oren iraun duen bilkura egin dute, Jon Insausti auzapezaren parte hartzearekin....

Guggenheim Bilbao Museoa munduko zazpi mirari garaikideetako bat izateko hautagai nagusien artean sartu da, World Travel and Tourism Council (WTTC) erakundeak abiatu duen nazioarteko ekimenari esker. WTTC bidaien eta turismo sektoreko ordezkari nagusia da.

Ekimenaren xedea da XIX. mendetik gaur arte sortuak izan diren eraikin, monumentu eta erakunde berezienak hautatu eta aitortza ematea, tokian tokiko ingurunea zaindu eta bidaiatzeko moldea sakonki eraldatzen badute. Gainera, izendapena eskuratzeko, hautagaiek bisitariak erakartzeko, garapen ekonomikoa sustatzeko eta turismo arduratsua bermatzeko gaitasun berezia dutela egiaztatu behar dute.

Ekimena ezagutarazteko eta erabiltzaileen bozak biltzeko helburuz, WTTCk webgune bat sortu du. Atari horretan Parisko Eiffel dorrea, Guggenheim Bilbao Museoa eta Egiptoko Museo Handia nabarmentzen dira, arkitekturak eta kulturak lurralde baten bilakaeran duten eraldatze ahalmenaren erakusgarri...

Joan den igandean hasi da Donostiako 87. Musika Hamabostaldia. Izenak dioena baino luzeago izanen da denboran, eta hedatuago espazioan, agorrilaren 30a arte iraunen baitu eta emanaldiak Gipuzkoako hainbat herritan, Araban eta Lapurdin ere (Senperen) izanen baitira. 60 kontzertutik gora preziatzen ahalko dira, eta hauetan “inoizko artistarik hoberenak” bildu dituztela erran dute antolatzaileek.

Oskorrik bere ibilbide artistikoa gelditu eta 11 urteren buruan, Natxo de Felipe berriz itzuliko da agertokietara Abandonatuak izeneko disko berriarekin. Talde mitikoak argitaratu gabe utzi zituen kantuak berriz hartu ditu Natxo de Felipek proiektua muntatzeko, eta agorrilaren 20an zuzenean aurkeztuko du emaitza Arantzazuko Santutegian, Donostiako Musika Hamabostaldiaren karietara.

1975eko uztailaren 30ean hil zuten Josu Mujika Aiestaran, Madrilen, ETAko kide talde baten kontrako polizia operazio batean. 24 urte zituen. 51 urte geroago, Espainiako Gobernuak biktima gisa aitortu du, eta haren kontrako epaiak ilegitimoak izan zirela onartu du. Halaber, gertakari hura argitzeko auzia martxan da Madrilgo epaitegi batean, eta Giza Eskubideen Euskal Herriko Behatokiak jakinarazi du Mujika tiroz hil zuen polizia identifikatu duela eta epailearen esku utzi dituela hiltzailearen datuak.

Espainiako Gobernuak Memoria Demokratikorako legea baliatu du “aitorpen eta erreparazio pertsonalerako adierazpena” onartzeko. Dokumentu horrekin, biktima gisa aitortzeaz gain, gobernuak onartzen du Mujikaren kontrako zigor, zehapen edo ebazpen judizial eta administratiboak “ilegitimoak eta baliogabeak” direla.

Uztailaren 1ean Atharratzetik abiaturik eta Euskal Herriko zazpi probintzietan barna 650 kilometro kurritu ondoan, joan den ortziralean (uztailaren 31n) heldu dira Getxora Euskarabenturaren zortzigarren edizioan parte hartu duten 130 gazteak.

Hilabete oso bat ukan dute euskaraz mintzatzeko, lagun berriak egiteko eta esperientzia interesgarriak bizitzeko. Hots, gogo-bihotzak oroitzapen ahantzezinez beterik itzuli dira zein bere etxera.

Honela mintzatu da helmugara heldu berri den gazte bat: “Oso azkar igaro da, azkarregi. Bikaina izan da hilabete osoan gure adineko jendearekin euskaraz lasai asko mintzatu ahal izatea.” Bertze batek berriz “Oso-oso ondo pasatu dugu. Espero nuen baino hobea izan da. Izugarria da hainbat euskalki eta Euskal Herriko hainbeste txoko ezagutu ahal izatea” erranez laburbildu du abentura.

2026ko Euskarabenturari agur errateko ekitaldian, orain arte koordinatzaile lanetan ari izan diren Alaitz Elizburu eta Irune de la Mazari merezi...