Ikas, AEK eta EEP-k (Euskararen Erakunde Publikoa), presentatu dute IKASBIDE metodoa. Ikas eta AEKren arteko lan amankomun hunen bidez publikatu dituzte 5 liburu, 2022an 6. alea da plazaratua izanen. Liburu bakoitzak 100 oreneko ikasgaiak biltzen ditu, euskara ikasten ari diren maila desberdinetako jendeeri zuzendua. Aurkezpenean euskararen ordezkariek zioten Iparraldean baliagarri baldin bada, diasporan ere erabilia dela bereziki Euskal Etxeetan. IKASBIDE metodoak helburua du ahal bezain laster euskaraz komunikatzeko gaitasuna ukaitea. Europako Erreferentzia Markoan oinarrituak diren euskarri argi eta pratikoak eskaintzen ditu. Formakuntza hasi aitzin, ikasleeri, AEKk maila-froga bat eginarazten die, horren arabera bakoitzak bere ikas-prozesua eskuetan ukanen du. Ikas zentroak, hogei urte hauetan AEKrekin partaidetzan dena, lan hunen osatzeaz gain, bere ikasmaterialgintzako argitaletxean aurkitzen ahalko da. IKASen webgunean telekargatzen ahal dena dohainik. Euskararen Erakunde Publikoak (EEP) diru-laguntza ekarri du proiektu hunen eramaiteko, egitura hunek finkatu bideetarik. Liburu hauek orain aipatu elkarteetan atzemaiten ahalko dira, bai eta Elkar liburutegian eta supermerkatu batzutan.