Herriko bozak Alduden Bizi zerrenda aitzineko kargualdiaren segidan sartzen da, jadanik abiatu proiektuen bururat eramaiteko eta bidean direnak eta sortzekoak bultzatzeko. Gure ekipa puxka bat arraberrituak, 7 gizon eta 4 emaztez osatua, nahi du engaiatu aldudar guzien zerbitzurako, eta eraman proiektu indartsuak, serioski eta hurbiletik muntatuak, Herri Elkargo berrian integratuz. Konpetentzia desberdinak dauzka ekipa hunek, batzuen esperientzia herri baten kudeaketan, besteen ideia eta dinamika berri batekin elkartuz. Denen lokarria: herriaren zerbitzurako izaitea, konfiantza eta idekidura izpiritu batekin eta herritarren parte hartzearekin. Denak eguneroko Aldudeko bizian inplikatzen gira sare desberdinetan: ekonomia, kultura, kirol, elkarte desberdin... Konduak arras sanoak dira Herriko Etxean, beraz ukaiten ahal da konfiantza denak elkartuz, urratsez- urrats geroa prestatzeko. Alduden Bizi zerrenda: ARRETCHE Gilbert, CARDENAU Jean-Michel, CHABAY Christiane, HARISPE Bertrand, HARISPE Xabi, HUALDE Marie- Jo, LAXAGUE Beñat, LAXAGUE Xavier, LURO Jean Pierre, MONLONG Geneviève, ZUBILLAGA Magali.