Hauteskundeak Heldu den igandean beharrak diren herriko bozetan "Izturitze elgarrekin" zerrenda bakarra zaiku aurkezten. Jean-Michel Donapetry auzapezak eta beste hautetsiek ere lekua utzirik, salbu biek, zerrenda kasik osoki berritua zaiku beraz abiatzen. Hemendik goiti 15 hautetsi izanen dira, 500 biztanlez goiti baigira orain herrian. - Camou Frédéric (Artizarra), Haran Gilles (Amestoia), Legarto Virginie oraiko hautetsia (Zepuru auzoa), Durruty André (Puttuenea), Etchegoyen Nathalie (Marexaldea), Lacroix Ludovic (Oiertea), Lohiague Monique (Jaimetegia), Barneche Gérard (Ongi Etorri), Male Dit Cazot Karine oraiko hautetsia (Jaimetegi auzoa), Donapetry Sylvain (Mendiburua), Rochais Manon (Hirixka), Carceller José Maria (Zepuru auzoa), Lelorec Nickie (Karabindea), Mimiague Eric (Zepuru auzoa), Gourgues Myriam (Argijolasa). Zazpi emazte eta zortzi gizon hauek herriaren onetan lan egiteko nahikari handia dutela jakinarazten dute, egun hauetan, etxez-etxe ibiliz. Martxoaren 14an bertsu afaria Arberoa ikastolako burasoek antolatzen duten gertakari hau Aiherrako gaztetxean iraganen da larunbat arrats huntan. Aimar Karrika, Aitor Sarriegi eta Nerea Ibarzabal bertsulari biziki onen entzuteko parada zauku eskainia, giro goxoan erran gabe doa. Afariarentzat deitu otoi aski goiz 06 37 79 67 93rat.