Gu ere bai izeneko ekimena eta agiria aurkeztu dituzte euskal kirolariek Bilbon, San Mames kirol-zelaian, euskal selekzioek nazioartean parte hartzea aldarrikatzeko. 750 kirolari baino gehiagok sustengatu dute manifestua eta heldu den udaberrian gai horren inguruan antolatuko diren ekitaldiak babestuko dituzte, "euskal selekzioen eta kirolaren aldekoak izanen direlako". Yaser Hamed (Leioa, Bizkaia, 1997) futbolariak irakurri du agiria, bertze kirolarien izenean. Ekimena eta testua sustengatu dituzten kirolariek, beren aldetik, adierazi dute segur direla euskal selekzioaren aldeko aldarrikapenari bide ematen segitu behar dela: "Gizarte demokratiko batean gaude, eta horrek esan nahi du 600 kirolarik Euskal Selekzioa nazioarteko lehiaketetan defendatzearekin amets egiten badugu, horretarako ez litzatekeela arazorik egon beharko". Euskal Herrian azken aldi hauetan gertatzen diren kirol ekitaldi garrantzitsu batzuk ere aipatu dituzte, ohartaraziz hauek...

Aurten martxoaren 8a igandea izanez, mugimendu feministak ez du grebarik egin. Hala ere, milaka emaztek Euskal Herriko hiri eta herri desberdinetako karrikak bete dituzte, borroka feminista defendatzeko eta "beste gizarte eta ekoizpen eredu" bat aldarrikatzeko. Besta giroan, musika, dantza eta hainbat pankartekin iragan dira ekitaldiak. Pankartetan ikus zitezkeen prostituzioaren abolizioa eta matxismoak hil dituen emazteak oroitzeko apailatuak zirenak. Halaber, emazteentzat karrika eta gau segurak galdegin dituzte, bai eta faxisten susperraldiaren kontrako oihuak egin ere....

Eusko Jaurlaritzako Prospekzio Soziologikoen Kabineteak hauteskundeei buruzko aurreikuspenak argitaratu ditu. Hauen arabera, gaur egun Eusko Jaurlaritza sustengatzen duten bi alderdiek goiti indar hartuko dute apirilaren 5eko bozetan. Orain baino legebiltzarkide bat gehiago eskura dezake EAJk, eta hiru gehiago PSE-EEk. Gisa horretan, 41 legebiltzarkide lituzke gobernuak, gehiengo absolutua ukaiteko behar direnak baino hiru gehiago. Jeltzaleak irabazle lirateke Araban, Bizkaian eta Gipuzkoan. Oposizioko indar nagusia den EH Bilduk ere bere boz kopurua emendatzen ikus lezake. Hemezortzi legebiltzarkide izan ditu 2016-2020 legealdian, eta iragarpenen arabera, hemeretzi eskura ditzake heldu diren hauteskundeetan. Elkarrekin Podemosentzat eta PP+Ciudadanosentzat, haatik, egoera ez litzateke hain baikorra: ezkerreko koalizioa 11 legebiltzarkidetarik zortzira jaits liteke, eta eskuinekoa bederatzitik zazpira. Voxek ez luke ordezkaririk erdietsiko....

Astelehen Lilak elkarte feministak eskuratu du Berdinna 2020 saria, Maria Chivite Nafarroako Gobernuko lehendakariaren eskutik. Berdintasunaren alde eta genero indarkeriaren kontra egin duen lanarengatik saristatua izan da elkartea. Hau 2007an sortu zen eta geroztik emazteei laguntza juridikoa emateaz, psikologoak eskaintzeaz eta indarkeria matxistaren ondorioak agerian ezartzeaz arduratu da. Nafarroako Jauregiko areto nagusian ospatu da ekitaldia martxoaren 4an. Han izan dira, bertzeak bertze, Parlamentuko presidentea, Espainiako Gobernuak Nafarroan duen ordezkaria, herri defendatzailea eta talde parlamentario guzietako ordezkariak....

Fernando Grande-Marlaska Espainiako Gobernuko Barne ministroak bilkura egin du AVT biktimen elkartearekin, eta erran dio ez dutela aldaketarik eginen espetxe politikan. Euskal presoen hurbiltze prozesuan, kasuak banazka aztertuko omen dituzte. Beren kondena bukatzen ari direnak kontutan hartuko dituzte lekualdaketak egiteko, eta edozein gisaz, legedia betez emanen dituzte urratsak. Espainiako Espetxe Araudiak dio presoak bere sorterritik hurbilen dagoen presondegian egon behar duela. Ministroak duela urtea erran zuen ETA desegin ondoan urruntze politikak ez duela zentzurik. Hala ere, gobernuak ez du politika hori aldatu, azkeneko urte eta erdian 30 preso hurbildurik ere. Mementoan, 198 euskal preso daude Espainiako Estatuan. Bestalde, euskal presoei egiten zaizkien harrera ekitaldiei buruz, Barne Ministroak erran du "omenaldiak" debekatzeko tresna legal eta politiko guziak erabiliko dituztela, ETAren biktimak ez "umiliatzeko"....

Badu orain hilabetea baino gehiago Bizkaiko Zaldibar herrian lur litatze handia izan zela, herri horretan kokatua zen hondakindegia lehertu ondoan. Geroztik desagertuak dauden bi langileak ez dituzte oraino aurkitu. Martxoaren 12 honetarako protesta ekitaldia antolatu du Zaldibar Argitu! plataforma herrikoiak. ELA, LAB, ESK,Steilas, HIRU eta Etxalde sindikatuek mobilizazio horri beren sustengua agertu diote. Sindikatuek azpimarratu dute arduradunek ezbeharra deiturik ere, Verter Reciclingen kudeaketa desegokiaren, Eusko Jaurlaritzaren kontrol faltaren eta ekoizpen eta kontsumo ereduaren gogoeta ezaren ondorioa dela otsailaren 6ko gertakaria....

Soziolinguistikari buruzko master bat plantan emanen du Euskal Herriko Unibertsitateak heldu den irailean, izenburu hau izanen duena: Euskararen jabekuntza, kudeaketa eta hizkuntza- praktikak XXI. mendean. EHUko Euskara Institutuaren ardurapean sortu dute Eusko Jaurlaritzako Hizkuntza Politikarako Sailburuordeak sustaturik. Euskalgintzan aritzeko langileak prestatzea dute xede, profesionalak eskas direla uste baitute. Bi urte beharko dira master hau prestatzeko. Martxan ezartzeko urrats gehienak emanak dira jadanik. Ebaluazio guziak gainditu ditu masterrak, eta azken onarpen formala baizik ez du falta. Oraingo ustez, apirileko batzarrean eskuratuko du baiezkoa. Lau zati izanen ditu masterrak. Lehen zatia erakunde publikoei buruzkoa da: soziolinguistikari buruzko oinarriak landuko dituzte, euskararen bilakaerari buruzko azterketak eta administrazioan euskara sustatzeko proiektuen kudeaketa irakatsiko dituzte. Bigarrenean eremu ez-formala landuko dute:...

Apirilaren 5eko hauteskundeetan lehiatuko diren alderdien izenak Euskal Autonomia Erkidegoko Aldizkari Ofizialean agertu berri dira. Orotara hamazazpi alderdi politiko aurkeztu dira. Hona zein diren herrialde bakoitzeko talde hautagaiak: Araban: EAJ, PSE-EE, PACMA, Ongi Etorri, EH Bildu, Aulki Zuriak, Equo-Berdeak, Vox, Foruzaleak, Libres Por Euskadi, Bidezko Mundurantz, PP+Ciudadanos, Elkarrekin Podemos, Recortes Cero-Solidaria- Berdeak. Bizkaian: EAJ, PSE-EE, Libres Por Euskadi, Aulki Zuriak, PACMA, Foruzaleak, EH Bildu, Euskadiko Langileen Alderdi Komunista (ELAK), Equo-Berdeak, Vox, Bidezko Mundurantz, PP+Ciudadanos, Alderdi Humanista, Elkarrekin Podemos, Recortes Cero-Solidaria-Berdeak. Gipuzkoan: EH Bildu, EAJ, PSE-EE, PACMA, Libres Por Euskadi, Aulki Zuriak, Bidezko Mundurantz, Equo-Berdeak, Vox, PP+Ciudadanos, Union Cristiano Democrata Española, Elkarrekin Podemos, Recortes Cero-Solidaria-Berdeak. Mementoan, EAJk, EH Bilduk, Elkarrekin...