Aldatu entrepresa mintegiak, bakarka eta bakotxa bere xokoan artzeko ordez, langile orori idekia den gune bat sortu du. Coworking gunea deitzen dute hori, hots, elkar lanerako gunea, lantoki moderno konektatu bat, elgarrekilako lana eta loturak sortzeko aproposa. Autopistatik hurbil, Miarritzeko aireportutik eta Baionatik ere, abantail handia baita hori. Hamar bat coworker biltzeko helburua du Aldatuk eta segurki, beharrez laguntzeko prest da. Zerbait gehiago jakiteko 05 59 70 28 89 edo accueil@aldatu.org egin behar da. Azpeitia À¢'€'" Iruñea Hara, aurten, bost etapatan Azpeitiako Lagun Onak mendizale taldeak egin nahi duena. Lehen etapak 24km egiten ditu eta Azpeitiatik Tolosara doa. Hazparneko lagunek ere joan nahi dute ibilaldi hortan parte hartzera eta hortarako hara heiekin joan nahi duenari emaiten dioten hitzordua: martxoaren 14an, 6ak eta 10etan, Harana plazan elkartzea; hortik autoak partikatuz, Azpeitiako bidea hartuko da. Hango Herriko Etxe aitzinetik abiatuko da ibilaldia eta lauetan arribatuko Tolosan. Ondotik, bidea gibelera eginik, arratseko zazpiak aldera helduko dira Hazparnera. Tolosatik Azpeitiara itzultzeko autobusa eta hameketakoak ukaiteko gisan, bakotxak 15€ pagatu behar du. Antolaketa errexteko izena eman martxoaren 12an berantenaz ondoko gunera idatziz: txoria. gunea@gmail.com Iparraldeko Orkestra Euskal Herrian egiten duen turnada batean sartzen da Iparraldeko Orkestraren musikaldi hau: martxoaren 15ean, igande arratsaldez (15:00) Hazparneko elizan. Emmanuel Coppey bibolin jolea eta Natanael Ferreira biola jolea, bakarlari gisa arituko dira Iparraldeko Orkestrarekin batera, ganbara musikako taldean. Mozarten Sinfonia Konzertante ezaguna interpretatuko dute. Konpositoreak abilki nahasten ditu bibolina eta biolaren tinbrea. Musikariek, garai desberdinetako aireak emanez, barrokotik eta klasikotik pasatuz, XX. mendera eramanen dute entzulea. Mozart, Haydn, Webern eta Bartok-en musikak emanak izanen dira. Sartzea 15€ da eta kitorik 22 urtez pekoentzat.