Janari biltzea Urte guziez bezala sasoin huntan, "MC BAB Sud Landes" elkarteak janari biltzea antolatzen du martxoaren 14 ibiakoitzez, Bihotzeko Ostatuen alde. Joan den larunbatean saltegi handietan egina, aldi huntan, Angelutik abiatuz Senpere, Ezpeleta, Uztaritze, Baigorri, Bidaxune, Hiriburun gaindi, berrehun bat motoristak Euskal Herria zeharkatuko dute bilketa horren egiteko. Gure eskuzabaltasunari dei egina zauku beraz ekintza hortan parte hartzeko. Galdeginak direnak dira janari galkor ez direnak, pote ttipiak, haur oihal, xatar, produktu higienikoak... Larunbat huntan goizeko 11:30etan Spar Oronos saltegian geldituko dira gure eskaintzen hartzeko. Nonbrean parte har dezagun, anitz beharrean daudelakoan. Kontzertu Martxoaren 15ean, igandez (16:00) elizan kantu kontzertua eskainia zauku. Bi emazte talde entzunen ditugu, Baiona aldetik heldu den Buhaminak Maialen Errotabeherek kudeatzen duen taldea eta Garazi aldetik heldu den Kanatxantxak taldea. Sartzea urririk da. Bertsu afaria Martxoaren 14an (21:00), ibiakoitzez iraganen da bertsu afari hau Bixentainean. Parte hartuko duten bertsulariak dira: Elixabet Etxandi eta Amets Arzalluz. Afaria 20€tan da eta 18€ kideentzat. Parte hartzeko deitu: 06 77 06 08 43