Plazako okintegia Bizpahiru astez hetsirik egon ondoan, hara nun berriz berotzen abiatu diren Zuraideko okindegiko labeak. Komertsa eskasa sendi zen eta jakinez ogia oinarrizko janarietan dugula, aitzineko igandean herritarrak saldo handian hurbildu dira. Bastien Darrigues, Senpereko ohantzea utzirik, Zuraiden da pausatu, gogo handiarekin ziola. Jakitate handiko okina agertzen zaiku "respectus panus" ogi egiteko molde kalitatiboa praktikatzen baitu. Galdegin diogularik hitz horien zehaztea, esplikatu digu ohiko egiteko molde tradizionala erabiltzen duela, gure arbasoena. Erran nahi baitu orea bezperatik eginez, irina (ahalaz gutti findua) ur epelean oratuz, kanpoko tenperaturan emeki-emeki hartzitzen edo fermantatzen uzten du, gisa hortan, aiseago digeritzen baita ogia. Mekanika mugatzen da hala jokatuz eta energia guttiago xahutzen. Toki eskasez pastizagintza oraindik Senpereko Gozo dendan egina izanen da. Bastien-ek hiru langile kudeatzen ditu, lauak 30 urtez petik. Talde gazte eta dinamiko huni ongi etorri beroena diegu eskaintzen!