Kabalkada badator

Ortzaizeko kabalkada, "Plazatik harat" deitua, hurbildua dugu. Errepika eta antolaketa bilkurak lerrokatzen dira. Bi emanaldi izanen dira: lehena, irailaren 18an igandearekin (16:00) eta bigarrena irailaren 24an ibiakoitzarekin, ber tenorean. Oraindanik Urzaiz elkarteak sartzeko txartelak salgai emanak ditu, 12 eurotan, gune hauetan: Menta liburu denda Ortzaizen, Paris saltegia Donibane Garazin, Hemengo saltegia Uztaritzen, Lurra Bio saltegia Hazparnen eta Euskalduna ostatua Maulen. Urzaiz elkarteko antolatzaileek jakinarazten dute 2020an salduak izan ziren txartelek ez dutela baliorik. Gehienak ordainduak izan ziren eta orduan ordainketa galdegin ez zutenek behar dute antolatzaileekin harremanetan sartu.

3654. zbk

Gure Hitza | 2022/09/01

Hiru bi bat... jo aitzina!

Menane Oxandabaratz

Irailean sartuak gira, pausaldi ona egin ondoan, emeki-emeki bakoitzak eskolako edo(ta) laneko bidea hartu du.

Herria astekaria ere 3 astez geldirik egon ondoan, kementsu berriz abiatu da. Aurten berrikuntza batekin, hainbat urtez Herriako bulegoak Baionako Jacques Laffitte karrikan kokatuak baziren, jabetza aldaketa dela eta, behartuak izan gira tokiz aldatzea. Uztaritzeko Herriko Etxeak obrak abiatuak dituela toki berean bulego guziak bateratzeko, heldu den urtean Landagoienen duen gela bat Herria astekariari alokatuko du. Mementoan obrak egiteko denboran Labourd inprimeriak bulegoa prestatu dauku, eskertzen dugu laguntza horrentzat.

Lan egiteko tokia aldatu bada, zuen astekariak berdin segituko du, egin-ahalaz irakurleekin hurbiltasuna atxikiz, herriko berriak emanez, kronika desberdinak agertuz eta leku bat utziz iritzia eman nahi duten irakurleeri. Hori guzia laguntzaile...

Irakurri segida

Gurekin harremanetan sar