Bestak

Bixintxo bestak ostiraletik igandera

Aurtengo Bixinto bestak buruilaren 2tik 7ra izanen dira, egitarau honekin: buruilaren 2an, ostiralarekin, pasoka finala pilota-plazan (18:30), ondotik aperitifa (19:00) eta geroago paella (21:00) Primaderan taldeak animaturik, bukatzeko DJ UBK izanen da pilota-plaza animatzen. Buruilaren 3an, larunbatarekin, haur lasterketa plazatik abiatuta (9:30) eta ondoren helduen mailako lasterketa (10:15). Eguerdiz aperitifa animatua plazan Matraka elektro txarangarekin, arratsaldean animazioa plazan (16:00) eta Kaskarot Banda (19:00). Horren ondotik Urruñarrak fanfarrea (21:00) eta kontzertuak Leihotikan (22:00), Xutik (24:00) eta Xistors (02:00). Buruilaren 4an, igandearekin, plazan haurrendako animazioa Jokairekin, meza (10:30), eskuzko pilota partidak pilota-plazan Urruñarrak elkartearekin (10:30), ondoren Leon Dongaitz txapelketaren finala (11:00), aperitifa Kuxkuxtuk animatua (12:00), ikusgarria HKB-rekin pilota-plazan (16:00), Zarena Zarelako taldearen ikusgarria plazan (17:30), mutxikoak Patxi eta Konpainiarekin (19:30), Zortzi taldearen emanaldia (22:00), zezen suzkoa (23:30) eta bukatzeko Bad Sound System taldearen kontzertua plazan (24:00).

Bixintxo bestak astelehenetik asteazkenera

Buruilaren 5ean, astelehenarekin, eskuzko pilota partidak Urruñarrak elkartearekin (10:30) eta (11:00) Dongaitz trinketean eskuzko pilotaren lehen finalerdia (16:30) eta bigarren finalerdia (17:30), herri guneko komertsantek (Trinketa, Vival eta Maite) antolaturik, pintxo-potea Tarrapatakan taldeak animatuta (19:00-21:00) eta ondoren DJ BULL-em animazioa (21:00-1:00). Buruilaren 6an, asteartearekin, eskuzko pilota partidak (10:30) eta (11:00), mutxikoak Kuxkuxturekin (18:00), horren ondotik kontzertuak ZTAH (19:30) eta Odei (21:00) taldeekin, su ikusgarria kirol zelaian (22:00) eta gero Laparretan taldearen kontzertua plazan (22:30) eta animazioa DJ Ping DJPong-ekin. Buruilaren 7an, asteazkenarekin, laborarien eguna Kabalekin elkarteak antolaturik (09:00), sari emaitea pilota-plazan (12:00), Kuxkuxtu txaranga plazan (12:00), eskuzko pilotaren finala Dongaitz trinketean (17:00) eta Joselu Anaien kontzertua plazan(19:00), honen ondotik Edantza taldearen kontzertua (22:30) eta bukatzeko zezen suzkoa herriko plazan (24:00).

Taxiak kitorik larunbatean

Buruilaren 3an, larunbatarekin, taxiak kitorik izanen dira. Tenorea: (02:00-06:00).

Berttoliko bazkariak, herriko bestetan

Buruilaren 4an, igandearekin. Menua: euskal legatza, idi xerra finak patatekin, ardi gasna pikuen erreximentarekin, euskal pastiza, edaria (arno beltza, gorria edo sagarnoa), kafea eta patxarana edo sagar pattarra. Prezioa: 30 euro. Kuxkuxtu txarangaren animazioaz. Buruilaren 7an, asteazkenarekin. Menua: tomate entsalada xerrikiekin, idi axoa patatekin, ardi gasna, sagar tarta, edaria (arno beltza, gorria edo sagarnoa), kafea eta patxarana edo sagar pattarra. Prezioa: 25 euro. Kuxkuxtu txarangak animatuko du.

Berruetako Gabatxo arnotegiko bazkari-afariak, besten kari

Buruilaren 3an, larunbatarekin, eguerdiz eta arratsez eta buruilaren 4an, igandearekin, eguerdiz, bazkari-afariak. Menua: sartzea, platera, gasna edo postrea eta arnoa. Prezioa: 50 euro. / Edaritegia arno selekzio handiarekin.

Airoski taldearen euskal dantzak

Abuztuaren 18an, ostegunarekin, Airoski taldeko dantzariek emanaldi polita eman zuten herriko pilota-plazan. Beteluren fandangoa izan zen ikusleek gehien txalotu zutena. Ondotik, jan-edanak izan ziren.

Untxineko Erromeria

Abuztuaren 19an, Zokoko aparkalekuetan, Untxineko erromeria izan zen. Izan zen zer jan eta zer edan, baita umore ona ere. DJDanielek eguna girotu zuen.