Maiatzaren 16 eta 18 bitarte, Donapaleuko Emeki zentroan euskal esperantisten udaberriko elkarretaratzea burutu zen, EÅ'­ska Printempa RenkontiÀ„'o alegia. 18 bat partaide etorri ziren Amikuzera kultur gertaldi honetaz gozatzera. Donapaleun badira Esperanto ikastaldiak, Marie Savarie irakaslea delarik, Amikuzeko herri batzuetatik jiten dira esperanto hizkuntzaren ikastera. Bada, topaketa honetara Baiona, Bilbo, Gasteiz, Kaseda, Bordele edo Pauetik etorri ziren esperanto hiztunak asteburu ederra irag

Zer da esperanto hizkuntza?

Esperanto hizkuntza neutral eta laguntzailea da, L.L. Zamenhofsendagile poloniarrak gaztetan pentsatu eta asmatu ondoren, 1887an ezagutzera eman zuen mundu osoan barna. Urte guttitan garapen gaitza ukan zuen, Europan lehenik, Amerikan eta Asian geroago, eta azkenik mundu osoan barna. Engoitik milaka liburu eta kazeta argitaratu dira esperantoz eta historia oparoa garatu du.

Euskal Herrian ere historia koxkorra du hizkuntza honek, XX. mende hastapenetik taldeak osatu ziren Bilbon, Iruñean, Tafallan, Donostian, Gasteizen, Eibarren edo Tolosan.

Geroztik hainbat ekitaldi, ikastaro gauzatu edo liburu eta kazeta argitaratu dituzte euskal esperantistek, eta hala azken hamarkadetan Printempa kaj AÅ'­tuna RenkontiÀ„'oj burutu dira Gasteizen, Bilbon, Iruñean, Tolosan, Altsasun, Urduñan, Kasedan, Loiolan, Arbizun edota Donapaleun.

Donapaleuko Printempa RenkontiÀ„'o-a

Maiatzaren 16an, ortziralerekin, arratsaldean batu ziren lehen partaideak eta Euskaraldia jarduna ikusi zuten.

Larunbat goizean Aiziritzera abiatu ziren afrikar festa ikustera. Bertan bazkaldu ondotik, arratsaldean Emeki zentroan bi tailer izan ziren, Pirinioetako loreei buruz eta Bernat Etxepare idazleari buruz. Ondotik, Arnaut Oihenarten etxea ikusi zuten eta itzuli bat egin zuten Donapaleun barna. Afaldu ondoren euskal kantak aletu zituzten giro alegeran.

Igande goizean Aranbeltzeko eliza bisitatu zuten eta Soiartzeko larre ederrean bazkaldu zuten erromesen etengabeko iragana behatzen zuten artean. Elkarretaratzea, Amikuzeko mendialdean finitu zen.

Milesker Marie Savari Emeki zentroko arduradunari. Hurrengo hitzordua AÅ'­tuna RenkontiÀ„'o (Udazkeneko topaketa) Arbizun, Nafarroa Garaian izanen da, urri bukaeran.