Bigarren aldikoz, Euskal Herria Zuzenean Amikuzen izanen dugu hilabete baten buruan ekain hondarrean, 27tik 29ra. Programa ederra proposatzen daukute aurten ere.

Ostiralean: Maskak, Inertzia, Pangea Pop, Zetkin, Txaptrax, Bengo, W! Zard, Acidulant, Auhen, Polylogue From Sila.

Ibiakoitzean: Mexikortxo(r) Band, Kaskezur, Nowhere Circus, Ithaka, Itzuli Konpainia, Voltaire, Marta, Naxker, Olaia Inziarte, Galder, Cie Choari, Marte Lasarte, Ibawa, Queer Falafel, Izan, Altxalili.

Igandean: Oona Doherty, Gros Coeur, Bocano Banda, Duguna, Errobi, Radio Byzance, Ahmed Eid & Ilyf, Ane Lindane, Kalume Taldea, Henge, Xiberoots, Hop Hop Hop Crew, Tapia eta Leturia.

Festibala baldintza onean egiteko, hitzordu batzu proposatuak dira:

- Ekainaren 14an, ibiakoitzez: xitxuketa eguna egun osoan Arberatzen (komunen, dekoratuen eta pusken antolaketa).

- Ekainaren 18tik aitzina, muntaketa egunak egunero festibala abiatu arte.

- Ekainaren 27tik 29ra: festibala.

- Ekainaren 30etik uztailaren 4a arte, desmuntaketa lanak.

Arberaztarrekin, beste bi hitzordu gehituak dira:

- Ekainaren 7 eta 14an goizez: herritarren aurre salmenta Herriko Etxean eta zirkulazio paseen banaketa.

- Ekainaren 20an: herritarren aperitifa frontoi ttipian.

Bilketak aitzinetik erosteko edo laguntza ekartzeko, EHZren sarean xehetasunak atzemanen dira.