Koru kontzertua

Maiatzaren 31n (20:30), Ondarreta abesbatzak kontzertua eskainiko du Sanespietako eliza kolegiatuan. Euskaraz izanen da eta parte hartze librea.

Kontzertua

Maiatzaren 31n (20:30), Arima Soul taldeak kontzertua emanen du Kalostrapen. Euskaraz izanen da eta urririk.

Liburu aurkezpena

Ekainaren 3an (18:00), Ekaitz Bergaretxek "Masusta erreximenta" liburua aurkeztuko du. Hitzordua mediatekan emana, euskaraz izanen da eta urririk.

Seaskaren alde

Maiatzaren 23an ostiralez, jende anitzek parte hartu du Seaskaren aldeko danborradan. Besteak beste, sartzerako irakasle postuak ez direla nahikoak ikasle kopuruaren arabera dituzten beharrei erantzuteko aldarrikatu da. Azken urteetan ikasle geroz eta gehiago izan dela eta, kolegio batzuek ikasgela gehiago idekitzeko asmoa zuten, baina ikastoletarako ez da lanpostu gehigarririk eskuratu.

Danborrak eskutan, ikasle, irakasle eta burasoek beren kexua adierazi diote Hezkuntza Ministeritzari Baionako karriketan.

EKE-Elkar literatura beka

Elkar fundazioak eta Euskal Kultur Erakundeak Ipar Euskal Herriko idazleak euskaraz idaztera lehiatzeko asmoz, EKE-Elkar literatura beka sortu dute.Bi urteetarik behin antolatua da eta 6.000 euroko diru kopuru gordina emanen zaio dagozkion zergak barne, epaimahaiak hautatuko duen obra proposamenari. 2025eko deialdi honentzat, helduentzako narrazioa izanen da generoa (eleberria, edo ipuin bilduma izan daiteke).Obraren egitasmoa maiatzaren 31ko berantenaz bidali behar da frank.suarez@eke.eus helbidera edo paperez Elkar argitaletxera.