Berrikitan, Donapaleun 175 pertsonekin egin inkesta baten ondorioak plazaratuak izan dira. %70ek herri barnean erosten dutela agertzen baldin bada, eskaintza hobea, anitzagoa batez ere elikagaietan galdatzen dute. Haragitegi eta okindegi eskasa azpimarratzen dute baita oinetako saltegi baten beharra. Eskaintza gutiegi, 2.000 biztanle kondatzen dituen herri batendako.

Datu hauek, maiatzaren 7an prentsaurreko batean plazaratuak izan dira. Charles Massondo auzapezak eta Olivier Darrieux-Jusonek "incroyable territoire", Frantzia mailan erabilia den baliabidea aurkeztu dute herri barneari indar berria emaiteko eta proiektu ekarleen laguntzeko. Donapaleu, hiri erakargarria da baina anitz komertzio gela hutsik gelditzen dira. Hutsik diren saltokiak berriz abiarazteko, 36 orduko lehiaketa antolatua da ekainaren 6an eta 7an. Proiektu eramaileek tokiko lantegi buruekin lan eginen dute eta proiektu hoberenak sariztatuak izanen dira.

Xehetasun gehiago ukaiteko deitu: 06-87-64-37-44.